Halyq pen meditsina qyzmetkerlerin meditsinalyq qorǵanys quralymen qamtamasyz etý qajet. Bul týraly Almatyda ótken selektorlyq keńeste QR Densaýlyq saqtaý ministri Eljan Birtanov osylai málim etti, - dep habarlaidy ministrliktiń baspasóz qyzmeti.
Ministr «Dolce» kompaniiasyna baryp, farmatseptikalyq kásiporynnyń ónimderimen tanysty, tsehty aralady jáne kompaniiadaǵylar óndiristik josparlarymen bólisti.
Ministr zaýytty aralap bolǵan soń, farmatsevtikalyq kompaniianyń, Densaýlyq saqtaý ministrligi men vedomstvoǵa qarasty uiymdardyń qyzmetkerleriniń qatysýymen selektorlyq keńes ótkizdi.⠀
Onlain jiynda meditsina qyzmetkerlerin, halyqty qorǵanys quraldarymen qamtamasyz etý máselesi talqylandy.⠀
Eljan Birtanovtyń aitýynsha, bastysy - turǵyndar men meditsina qyzmetkerlerin koronavirýs infektsiiasynan qorǵaityn maska jáne ózge de meditsinalyq quraldarmen qamtamasyz etý qajet.⠀
Prezidenttiń tapsyrmasyna sáikes, elimizde koronavirýs pandemiiasy kezinde sapaly qorǵanys quraldarynyń qory jetkilikti bolýy tiis.⠀
«Osy maqsatta biz otandyq taýar óndirýshilermen únemi bailanystamyz. Al «Dolce» elimiz boiynsha memlekettik tapsyrysty oryndaityn jáne Orta Aziia men TMD memleketterine meditsinalyq buiym eksporttaityn qazaqstandyq kásiporyndardyń biri», - dedi ministr.⠀
Ministr keńes sońynda osy saladaǵy júieni retke keltirý úshin birqatar tapsyrma berdi.
Aita keterligi, «Dolce» kompaniiasynda 400 jýyq adam jumys isteidi. Zaýyt 110 astam meditsinalyq buiym shyǵarady. Táýligine shamamen 300 myń meditsinalyq maska óndiredi. Kompaniianyń barlyq ónimderi halyqaralyq standarttar boiynsha sertifikattalǵan.
