Búgin Astanada ótken QR Densaýlyq saqtaý ministrliginiń Alqa otyrysynda dárigerlerdiń jalaqysy týraly aityldy.
QR Densaýlyq saqtaý ministri Eljan Birtanov óz sózinde Memleket basshysynyń biylǵy halyqqa Joldaýynda densaýlyq saqtaý salasynyń aldyna meditsinalyq kómektiń qoljetimdiligi men tiimdiligin arttyrý boiynsha qoiǵan mindetterine jáne dárigerlerdiń jalaqysyna qatysty máselege toqtalyp ótti.
"Byltyr jyl sońynda memlekettik uiymdardaǵy mamandar qolǵa qansha jalaqy alatynyn tekserip, joǵaryraq jalaqyny dárigerler alatynyn anyqtadyq. Dárigerler alatyn jalaqy mólsheri aldaǵy ýaqytta da kóbeie beredi. Eń joǵary jalaqyny dárigerler alýy kerek", - dedi Eljan Birtanov.
2016 jyly dárigerdiń qolǵa alatyn ortasha jalaqysy 130 901 teńge bolsa, 2017 jyly – 134 377 teńgege, al 2018 jyly 142 228 teńgege ósken.
Eske sala ketsek, is-sharaǵa QR Parlamentiniń depýtattary, QR Prezidenti Ákimshiliginiń, QR Premer-ministriniń, ortalyq memlekettik organdardyń ókilderi, Alqa jáne Qoǵamdyq keńestiń músheleri, ákimderdiń orynbasarlary, óńirlerdiń densaýlyq saqtaý basqarmalarynyń, vedomstvolyq baǵynysty uiymdardyń, aýmaqtyq departamentterdiń basshylary jáne taǵy basqalar qatysty.
