Ortalyq kommýnikatsiia qyzmetinde ótken brifingte densaýlyq saqtaý ministri Eljan Birtanov tegin meditsinalyq kómektiń kepildik berilgen kóleminiń sheńberinde halyqty dárilik zattarmen qamtamasyz etý men Qazaqstan Respýblikasynda farmatsevtika salasynyń jaǵdaiy jáne damýy týraly aitty, dep habarlaidy Baq.kz tilshisi.
"Ótken jyldyń basynda Elbasymyz Nursultan Nazarbaev Densaýlyq saqtaý ministrligine tegin dári-dármekpen qamtý máselesin jáne dári-dármekterdiń baǵasyn retteý boiynsha naqty tapsyrma berdi. Ekinshi tapsyrma boiynsha arnaiy zań ázirlendi. Ol qazirgi ýaqytta Parlamentte qaralyp jatyr, jyldyń aiaǵyna deiin sheshim qabyldanady dep senemiz", - dedi Birtanov.
Sondai-aq, ol 2019 jyldyń qańtar aiynan bastap elimizdegi barlyq dárihanadaǵy dári-dármekterdiń baǵasyn retteý mehanizmi engiziletinin aitty.
"Ózderińiz bilesizder, bir dáriniń baǵasy eki dárihanada eki túrli bolatyn jaǵdailar bolady. Kei dári-dármektiń baǵasy jazda basqa, qysta basqa baǵada satylady. Jańa zań jobasy qabyldansa, bul máseleniń bári retteledi", - dedi ol.
Ótken jyldan bastap dári-dármekterdi satyp alý týraly birneshe jańa normativtik-quqyqtyq aktiler qabyldandy. Tegin dári-dármekterdi satyp alý protsesi ortalyqtandyrylǵan, iaǵni qazirgi ýaqytta búkil dári-dármek "SQ-Farmatsiia" kompaniiasy arqyly satyp alynady.
"Biyl 8 ai ishinde 1,5 millionnan astam adam tegin dárimen qamtyldy. Jyl sońyna deiin 3,5 million adam tegin dárimen qamtylady dep josparlanǵan. Túsinikti bolýy úshin taǵy bir qaitalap aita keteiin, tegin dári-dármekter tizimine kiretin dáriler ǵana tegin beriledi. Ol emdelý úshin qajetti 100% dáriniń 30-y dep ataýǵa bolady. Eger tegin beriletin dári-dármekti jymqyrý ne satý siiaqty zańsyz jaǵdai bolsa, farmatsiia komitetiniń jergilikti departamentine habarlap aitý kerek. Ondai jaǵdaida qajetti ákimshilik nemese quqyqtyq sheshimder qabyldaimyz", - deidi Eljan Birtanov.
