Ózbekstan astanasynda Qazaqstannyń meditsina kúnderi ótip jatyr. Tashkenttegi forýmǵa elimizden QR Densaýlyq saqtaý ministri Eljan Birtanov, Qazaqstan Respýblikasynyń Ózbekstandaǵy elshisi Darhan Satybaldy bastaǵan 150 delegat qatysýda, dep habarlaidy "Ult aqparat".
«Qazaqstanda innovatsiialyq tehnologiialar men aldyńǵy qatarly meditsina ǵylymynyń jetistikterin tájiribede qoldana otyryp, halyqaralyq talaptar deńgeiinde joǵary tehnologiialyq meditsinalyq qyzmetter usynatyn Ortalyq Aziiadaǵy jetekshi kóp salaly klinikalar shoǵyrlanǵan. Olardyń ishinde – Ulttyq neirohirýrgiia ortalyǵy, Ulttyq ǵylymi kardiohirýrgiia ortalyǵy, Travmatologiia jáne ortopediia ǵylymi-zertteý institýty, Syzǵanov atyndaǵy Ulttyq institýt bar», - deidi QR Densaýlyq saqtaý ministri Eljan Birtanov.
Degegattar qatarynda jetekshi meditsinalyq ortalyqtardyń, mamandandyrylǵan meditsinalyq jáne sanatorii uiymdarynyń, farmatsevtika óndirýshileriniń, meditsinalyq ýniversitetterdiń, konsalting kompaniialardyń ókilderi bar.
«Qazaqstanda densaýlyq saqtaý salasy – memleket basshysynyń erekshe nazarynda bolatyn basty basymdyqtardyń biri. 2020 jyldyń qańtar aiynan bastap Qazaqstan Úkimetiniń densaýlyq saqtaý salasyna bólinetin qarjyny kezeń-kezeńimen ulǵaita bastaityny osyǵan dálel bola alady. Memleket basshysy Qasym-Jomart Toqaev densaýlyq saqtaý salasyna ketetin shyǵyndardy qazirgi deńgeiden 2025 jyldyń jalpy ishki óniminen 3,2%-dan 5% -ǵa deiin jetkizý kerektigin aitty. Sonymen birge, Elbasynyń tapsyrysy boiynsha 2025 jylǵa qarai alǵashqy meditsinalyq-sanitariialyq kómek pen halyqtyń densaýlyǵy úshin bólinetin shyǵyndar úlesi 60% deiin jetkiziletin bolady», - deidi ol.
Eljan Birtanov Ózbekstan densaýlyq saqtaý ministriniń buiryǵymen «Ózbekstan Respýblikasynyń densaýlyq saqtaý isiniń úzdigi» ordenimen marapattaldy jáne Tashkent meditsinalyq akademiiasynyń professory ataǵyna ie boldy.
Sondai-aq, is-shara aiasynda Qazaqstan Respýblikasynyń jetekshi meditsinalyq mekemeleri týraly prezentatsiia materialdar qoiylǵan kórme ótti. Nátijesinde eki eldiń meditsinalyq mekemeleri men ýniversitetteri arasynda birqatar memorandýmǵa qol qoiyldy.
