LOT Polish, FlyDubai Qazaqstanǵa ushatyn Boeing-taryn almastyrdy. Bul jaiynda Azamattyq aviatsiia komitetinen málim etti, dep habarlaidy "Ult aqparat".
LOT Polish áýe kompaniiasy Qazaqstanǵa ushatyn Boeing 737 MAX áýe kemesiniń ornyn Boeing 737-800 NG (Next Generation) ushaǵymen almastyrdy. Sondai-aq, FlyDubai aviakompaniiasy 737 MAX áýe kemesimen ushýdy toqtatty. FlyDubai elimizge Boeing 737-NG (Next Generation) ushaq túrimen ushýǵa ruqsaty bar ekenin atap ótý kerek. Osyǵan orai, biz jolaýshylarǵa áýe kompaniialarynyń ókilderimen ushý / kelý ýaqyty týraly aldyn-ala bilip otyrýy kerek. Sebebi, ushý kestelerinde ózgerister oryn alýy múmkin», - dep jazdy komitet Feisbýktegi paraqshasynda.
Eske sala keteiik, Efiopiiada Ethiopian Airlines áýe kompaniiasynyń Nairobige bara jatqan ushaǵy apatqa ushyraǵandyǵy týraly buǵan deiin habarlaǵan bolatynbyz.
Qaiǵyly jaǵdaiǵa bailanysty Qazaqstan Prezidenti Nursultan Nazarbaev Efiopiia Federativtik Demokratiialyq Respýblikasynyń Prezidenti Sahle-Vork Zeýdege kóńil aitý jedelhatyn joldady.
