LOT Polish, FlyDubai قازاقستانعا ۇشاتىن Boeing-تارىن الماستىردى. بۇل جايىندا ازاماتتىق اۆياتسييا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
LOT Polish ەۋە كومپانيياسى قازاقستانعا ۇشاتىن Boeing 737 MAX ەۋە كەمەسٸنٸڭ ورنىن Boeing 737-800 NG (Next Generation) ۇشاعىمەن الماستىردى. سونداي-اق, FlyDubai اۆياكومپانيياسى 737 MAX ەۋە كەمەسٸمەن ۇشۋدى توقتاتتى. FlyDubai ەلٸمٸزگە Boeing 737-NG (Next Generation) ۇشاق تٷرٸمەن ۇشۋعا رۇقساتى بار ەكەنٸن اتاپ ٶتۋ كەرەك. وسىعان وراي, بٸز جولاۋشىلارعا ەۋە كومپانييالارىنىڭ ٶكٸلدەرٸمەن ۇشۋ / كەلۋ ۋاقىتى تۋرالى الدىن-الا بٸلٸپ وتىرۋى كەرەك. سەبەبٸ, ۇشۋ كەستەلەرٸندە ٶزگەرٸستەر ورىن الۋى مٷمكٸن», - دەپ جازدى كوميتەت فەيسبۋكتەگٸ پاراقشاسىندا.
ەسكە سالا كەتەيٸك, ەفيوپييادا Ethiopian Airlines ەۋە كومپانيياسىنىڭ نايروبيگە بارا جاتقان ۇشاعى اپاتقا ۇشىراعاندىعى تۋرالى بۇعان دەيٸن حابارلاعان بولاتىنبىز.
قايعىلى جاعدايعا بايلانىستى قازاقستان پرەزيدەنتٸ نۇرسۇلتان نازارباەۆ ەفيوپييا فەدەراتيۆتٸك دەموكراتييالىق رەسپۋبليكاسىنىڭ پرەزيدەنتٸ ساحلە-ۆورك زەۋدەگە كٶڭٸل ايتۋ جەدەلحاتىن جولدادى.
