Sýret ashyq derekkózden alyndy
Elimizdegi birqatar JOO Abai oblysyndaǵy órtten zardap shekken otbasylardyń balalaryna bilim grantyn usynady, dep habarlaidy "Ult aqparat".
Atap aitqanda, Óskemendegi S.Amanjolov atyndaǵy ShQÝ 10 bilim berý grantyn jáne oqý orny qyzmetkerleri bir kúndik jalaqysyn bóledi.
Al A.Baitursynov atyndaǵy Qostanai óńirlik ýniversiteti 5 bilim berý grantyn bólse, M. Áýezov atyndaǵy Ońtústik Qazaqstan ýniversiteti 10 bilim grantyn taǵaiyndaidy.
Sondai-aq, Sh. Esenov atyndaǵy Kaspii tehnologiialar jáne injiniring ýniversiteti alapat órtten zardap shekken otbasylardyń balalaryna 5 bilim grantyn beredi.
Odan bólek Á. Marǵulan atyndaǵy Pavlodar pedagogikalyq ýniversiteti men Q. Jubanov atyndaǵy Aqtóbe óńirlik ýniversiteti 5 bilim grantyn usynady.
Bul JOO-lar qatarynda Turan-Astana ýniversiteti de bar. Atalǵan oqý orny 10 bilim grantyn taǵaiyndamaq.
