QR básekelestikti qorǵaý jáne damytý agenttigi naryqtaǵy benzin baǵasyna taldaý júrgizdi, dep habarlaidy "Ult aqparat".
Jyl basynan beri Qazaqstan boiynsha AI-92 benzini baǵasynyń orta eseppen 12-13% ósýine jáne ishki naryqty munai ónimderiniń osy túrimen qamtamasyz etýde qalyptasqan ahýalǵa bailanysty agenttiktiń aýmaqtyq bólimsheleri yqtimal alypsatarlyqty jáne AI-92 benzini baǵasynyń negizsiz ósýin boldyrmaý maqsatynda naryqqa taldaý júrgizdi.
Júrgizilgen jumys nátijesi boiynsha benzindi bólshek saýdada ótkizýshilerdiń áreketinde baǵalyq sóz bailasý belgileri anyqtaldy.
30 sáýirde monopoliiaǵa qarsy organ benzindi bólshek saýdada ótkizýshilerdiń atyna AI-92 benzinine baǵa belgileý jáne ustap turý bóliginde básekelestikke qarsy kelisilgen áreketter belgileri boiynsha 14 habarlama engizdi.
Onyń ishinde úsheýi - respýblikalyq AJQS PetroRetail, Gelios, Sinooil.
Aqmola oblysy: «PetroRetail» JShS (filial), «Gelios» JShS (filial), «NPO «IýNA» JShS, «Inkom Pliýs» JShS, «Esil» JShS.
ShQO: «Vostok logistik» JShS, «Sinooil» JShS (filial), «PetroRetail» JShS filial).
SQO: «Etalon Region» JShS, «Severnaia Toplivnaia Kompaniia» JShS, «PetroRetail» JShS (filial), «Gelios» JShS (filial).
Qostanai oblysy: «PetroRetail» JShS (filial), «Gelios» JShS (filial), «Kostanainefteprodýkt» JShS, «Mýnai Treid kst» JShS, «Kst trade» JShS, «Rýdnenskaia Toplivnaia kompaniia» JShS, «Kostanai Avtogaz-7» JShS.
Qoldanystaǵy zańnamaǵa sáikes habarlamany oryndaý merzimi - ony alǵan kúnnen bastap kúntizbelik 30 kún.
Habarlamany oryndamaý monopoliiaǵa qarsy tergep-tekserý júrgizý úshin negiz bolyp tabylady.
Belgilengen baǵany Qazaqstan Respýblikasynyń básekelestikti qorǵaý salasyndaǵy zańnamasyna sáikestigi turǵysynan baǵalaý kezinde jáne olardyń negizdiligi naryq sýbektisiniń naqty shekken shyǵynyn eskere otyryp, onyń ishinde kóterme saýdada jetkizýshilerinen satyp alý baǵasyn eskere otyryp qaralady.
