Foto: wirestock/Freepik
Sinoptikter 10-12 qazanda aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar málimetinshe, aldaǵy kúnderi respýblikanyń basym bóliginde barikalyq alqaptardyń tez ózgerýi kútilip otyr. Jaýyn-shashyn (jańbyr sońy qarǵa ulasady) túsedi, ońtústikte jańbyr jaýyp, jel kúsheiedi.
"Elimizdiń soltústik-batysynda, soltústiginde jáne ortalyǵynda túngi jáne tańǵy ýaqytta tuman, kóktaiǵaq kútiledi.
Batys óńirlerdegi aýa temperatýrasy túnde 5 gradýs aiaz - 7 gradýs jylyǵa deiin, kúndiz 5-18 gradýs jylyǵa deiin, soltústik-batys, soltústik jáne ortalyqta túnde 5 gradýs aiaz - 5 gradýs jylyǵa deiin, kúndiz 5-13 gradýs jylyǵa deiin tómendeýi kútiledi" - delingen habarlamada.
