Qasym-Jomart Toqaevtyń atyna Jambyl oblysyndaǵy áskeri qoimada bolǵan jarylys saldarynan kóp adamnyń qaza bolýyna ákep soqtyrǵan qaiǵyly oqiǵaǵa bailanysty shet memleketterdiń, úkimetter men halyqaralyq uiymdardyń basshylarynan kóńil aitý jedelhattary kelip jatyr, - dep habarlaidy "Ult aqparat" Aqorda saityna silteme jasap.
Resei Federatsiiasynyń Prezidenti Vladimir Pýtinnen, Qyrǵyz Respýblikasynyń Prezidenti Sadyr Japarovtan, Tájikstan Respýblikasynyń Prezidenti Emomali Rahmonnan, Belarýs Respýblikasynyń Prezidenti Aleksandr Lýkashenkodan, Armeniia Prezidenti Armen Sarkisiannan jedelhat keldi. Sondai-aq Resei Federatsiiasynyń Premer-Ministri Mihail Mishýstin, Túrkitildes memleketter yntymaqtastyq keńesiniń Bas hatshysy Baǵdat Ámireev, Shanhai yntymaqtastyq uiymynyń Bas hatshysy Vladimir Norov jedelhat joldady.
Jedelhattarda qaza tapqandardyń otbasylaryna kóńil aityp, qoldaý bildirgen. Sonymen qatar jaraqat alǵan azamattardyń tezirek saýyǵyp ketýin tilegen.
Kóńil aitý jedelhattary áli de kelip jatyr.
