قاسىم-جومارت توقاەۆتىڭ اتىنا جامبىل وبلىسىنداعى ەسكەري قويمادا بولعان جارىلىس سالدارىنان كٶپ ادامنىڭ قازا بولۋىنا ەكەپ سوقتىرعان قايعىلى وقيعاعا بايلانىستى شەت مەملەكەتتەردٸڭ, ٷكٸمەتتەر مەن حالىقارالىق ۇيىمداردىڭ باسشىلارىنان كٶڭٸل ايتۋ جەدەلحاتتارى كەلٸپ جاتىر, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
رەسەي فەدەراتسيياسىنىڭ پرەزيدەنتٸ ۆلاديمير پۋتيننەن, قىرعىز رەسپۋبليكاسىنىڭ پرەزيدەنتٸ سادىر جاپاروۆتان, تەجٸكستان رەسپۋبليكاسىنىڭ پرەزيدەنتٸ ەمومالي راحموننان, بەلارۋس رەسپۋبليكاسىنىڭ پرەزيدەنتٸ الەكساندر لۋكاشەنكودان, ارمەنييا پرەزيدەنتٸ ارمەن ساركيسياننان جەدەلحات كەلدٸ. سونداي-اق رەسەي فەدەراتسيياسىنىڭ پرەمەر-مينيسترٸ ميحايل ميشۋستين, تٷركٸتٸلدەس مەملەكەتتەر ىنتىماقتاستىق كەڭەسٸنٸڭ باس حاتشىسى باعدات ەمٸرەەۆ, شانحاي ىنتىماقتاستىق ۇيىمىنىڭ باس حاتشىسى ۆلاديمير نوروۆ جەدەلحات جولدادى.
جەدەلحاتتاردا قازا تاپقانداردىڭ وتباسىلارىنا كٶڭٸل ايتىپ, قولداۋ بٸلدٸرگەن. سونىمەن قاتار جاراقات العان ازاماتتاردىڭ تەزٸرەك ساۋىعىپ كەتۋٸن تٸلەگەن.
كٶڭٸل ايتۋ جەدەلحاتتارى ەلٸ دە كەلٸپ جاتىر.
