2021 jyly meditsinalyq saqtandyrý Qory aldyn ala somasy 6,2 mlrd teńgeni quraityn 7000 EKU tsiklyn qarjylandyrýdy josparlap otyr. Jasandy uryqtandyrý rásimin júrgizýge kvota sany 2020 jylmen salystyrǵanda 7 ese ósti. Bul týraly ÁMSQ basqarma Tóraǵasy Bolat Tókejanov OKQ-de ótken brifingte málimdedi, dep habarlaidy "Ult aqparat".
Biyl ekstrakorporaldy uryqtandyrýdyń 526 protsedýrasy oryndaldy. Máselen, ótken jyly 1-toqsanda barlyǵy 59 EKU jasalǵan.
2021 jyldyń basynan bastap Prezident Qasym-Jomart Toqaevtyń tapsyrmasy boiynsha Qazaqstanda "Ańsaǵan sábi" baǵdarlamasy júzege asyrylýda.
DDSU málimetteri boiynsha, reprodýktivti tehnologiiany júrgizý nátijesi 45-60% jetedi. EKU júrgizý tiimdiligi bizdiń elimizde orta eseppen 15%-dan 42% -ǵa deiin ósti. Bala týý faktisi boiynsha emdeý tiimdiliginiń kórsetkishi 30% deńgeiinde, bul eń jaqsy eýropalyq klinikalardyń kórsetkishine sáikes keledi.
Esterińizge sala keteiik, áleýmettik meditsinalyq saqtandyrý qory EKU baǵdarlamasy aiasynda 2018 jyly TMKKK sheńberinde 902 tsikldy jáne 2019 jyly da dál osy kólemdi qarjylandyrǵan.
EKU kimderge arnalǵan? Eń basty atalǵan protsedýra terapevtik jolmen emdeýge kelmeitin bedeýlik diagnozy qoiylǵandarǵa arnalǵan. EKO-ǵa otbasylyq juptar da, jeke adam da qatysa alady. Mindetti túrde úmitkerdiń erikti jazbasha kelisimi bolýy kerek.
Naýqasqa uryqtandyrýdan bas tartý birneshe jaǵdaida áser etýi múmkin: jatyrdyń týa bitken nemese júre bitken aýytqýlary, somatikalyq jáne psihikalyq buzylýlar, analyq bez isikteri, jedel qabyný jáne kez-kelgen lokalizatsiianyń onkologiiasy.
Sonymen qatar Qazaqstan azamaty bolýy jáne densaýlyq saqtaý ministrligi belgilegen meditsinalyq parametrlerge sáikes kelýi qajet – bul reprodýktivti jas (18-den 42 jasqa deiin), qalypty somatikalyq jáne endokrindik mártebe, joǵary follikýliarlyq rezerv.
Aita ketý kerek, jylyna bir ret MÁMS boiynsha EKU protsedýrasynan tegin ótýge bolady. MÁMS júiesinde EKU júrgizý aldynda erli-zaiyptylardy tekserý kólemi kózdelgen tizbege sáikes júzege asyrylady.
EKU-ǵa joldama alý úshin tirkelgen jeri boiynsha emhanaǵa júginý qajet. Uiym mamandary patsientti bedeýligi bar dispanserlik patsientterdiń elektrondyq tirkelimine qosady jáne birqatar tekserýler taǵaiyndaidy. 12 ai ishinde MSAK uiymy beiindi mamannyń qorytyndysy negizinde patsienttiń qujattaryn joǵary tehnologiialyq meditsinalyq qyzmetter jónindegi jergilikti komissiiaǵa jiberedi. Oń sheshim qabyldanǵan jaǵdaida, áiel «Emdeýge jatqyzý biýrosy» portalynda tirkelip, rásimge daiyndala bastaidy. Patsient ekstrakorporaldyq uryqtandyrý úshin klinikany óz betinshe tańdaýǵa quqyly.
Elimizdiń 8 óńirinen 19 meditsinalyq uiym QR-da EKU qyzmetterin jetkizýshiler bolyp tabylady, olardyń ishinde jeke menshigi - 18.
EKU júrgizý qaǵidalary jáne ilespe is-sharalar týraly tolyq aqparat Qazaqstan Respýblikasy Densaýlyq saqtaý ministriniń 2020 jylǵy 15 jeltoqsandaǵy № QR DSM-272/2020 «Qosalqy reprodýktivtik ádister men tehnologiialardy júrgizý qaǵidalary men sharttaryn bekitý týraly» buiryǵynda jariialanǵan.
