Qazaqstandyq diplomattardyń úlesimen Birikken Arab Ámirlikterinde júrgen 463 azamatymyz elge jetkizildi, dep habarlaidy "Ult aqparat" QR Syrtqy ister ministrligine silteme jasap.
«Qazaqstan Respýblikasynyń Dýbaidaǵy Bas konsýldyǵynyń (BAÁ) diplomattary azamattarymyzdy otanyna qaitarý boiynsha júrgizilip jatqan jumystar aiasynda 20-21 naýryzda týristerimizdi Dýbai - Almaty (2 reis) jáne Dýbai - Nur-Sultan baǵyttary boiynsha reisterge otyrǵyzýdy júzege asyrdy», - delingen ministrlik aqparatynda.
Málim etilgendei, diplomattardyń kúshimen atalǵan reisterge BAÁ-de júrgen ózge jolaýshylar da otyrǵyzylǵan.
«Atqarylǵan jumystardyń nátijesinda 463 azamatymyz elge oraldy. Bas konsýldyq qalǵan otandastarmen turaqty bailanysta jáne olarǵa qajetti kómek kórsetýde», - dedi vedomstvodan.
