Májilistiń jalpy otyrysynda «Qazaqstan Úkimeti men BAÁ Úkimeti arasyndaǵy Qazaqstannyń Birikken Arab Ámirlikterindegi Elshiliginiń jáne BAÁ-niń Qazaqstandaǵy Elshiliginiń qajettilikterine Astana qalasynda jáne Ábý Dabi qalasynda jer ýchaskelerin óteýsiz paidalanýǵa ózara berý týraly kelisimdi ratifikatsiialaý týraly» zań jobasy maquldandy, dep habarlaidy "Ult aqparat".
Kelisimniń maqsaty - Qazaqstan Respýblikasy men Birikken Arab Ámirlikteriniń aýmaǵynda eki memlekettiń elshilik obektilerin salý qajettiligi úshin jer ýchaskelerin ózara almasýdy quqyqtyq qamtamasyz etý.
Syrtqy ister ministri Muhtar Tileýberdiniń aitýynsha, 2017 jyly 18 qańtarda Ábý Dabi qalasynda jasalǵan atalǵan kelisimdi ratifikatsiialaý ekijaqty yntymaqtastyqty odan ári jandandyrý ári diplomatiialyq qatynastardy damytý úshin mańyzdy bolyp tur.
Taratylǵan málimetterge qaraǵanda, osyǵan bailanysty, óteýsiz jer paidalaný shartymen 49 jylǵa keiinnen osyndai merzimge uzartý múmkindigimen, bizdiń elimizge Ábý Dabi qalasynan alańy 1,2 gektar bolatyn jer ýchaskesi beriledi jáne tiisinshe Birikken Arab Ámirlikterine Nur-Sultan qalasynan alańy 2,6 gektarbolatyn ýchaske beriledi.
