Qabyldanǵan sheshimderdiń ýaqytynda júzege asyrylýyn baqylap, aýyryp jaqtan ár adamǵa naqty meditsinalyq kómek kórsetilý kerek. Parlament Májilisiniń depýtaty, Ekonomikalyq reforma jáne óńirlerdi damytý komitetiniń tóraǵasy Nurtai Sabilianov osyndai pikirimen bólisti, dep habarlaidy QazAqparat.
«El Prezidenti Qasym-Jomart Kemeluly Toqaev halyqqa úndeýinde, qalyptasqan jaǵdaidy ashyq aityp, elimizdegi indetke qarsy memleket tarapynan barlyq sharalar qabyldanyp jatqanyn jetkizdi. Qazirgi atqarylyp jatqan jumystar, qabyldanyp jatqan sharalar halyq úshin óte mańyzdy. Óitkeni dárihanalarda qajetti dári-dármekterdiń bolmaýy, aýrýhanalarda tósek oryndardyń tapshylyǵy, aýyrǵan adamdarǵa der kezinde tiisti meditsinalyq kómektiń kórsetilmeýi qoǵamda oryn aldy, halyqtyń talabyna negiz boldy. Endi osy qabyldanǵan sheshimderdi, sharalardy ýaqytynda júzege asyrylýyn, oryndalýyn baqylaý qajet jáne aýyryp jaqtan ár adamǵa naqty meditsinalyq kómek kórsetilý kerek. Bul úshin bar múmkindikti paidalanǵan jón. Ásirese, eren eńbek istep jatqan meditsina qyzmetkerlerine syrqattardy emdeýge bailanysty barlyq jaǵdai jasap, olarǵa, otbasylaryna bar qoldaý, kómek kórsetilý qajet. Aýrýhanalardy dári-dármekter, meditsinalyq preparattar, apparattarmen qamtamasyz ete otyryp, qai aýrýhanada qansha tósek orny bar, meditsinalyq kómektiń sapasy, kólemi qandai ekeni týraly shynaiy aqparatty halyqqa jetkizip otyrǵan jón. Óitkeni halyq tarapynan aýrýhanaǵa barǵanda tósek-oryn joq dep shyǵaryp salý máselesi jii kóterilýde», - dedi ol.
Depýtattyń aitýynsha, bul baǵytta ákimderdiń berip jatqan málimetteri óńirlerdegi aýrýhanalar men emhanalardyń jaǵdaiyna negizdelý kerek.
«Áitpese,keibir óńirdiń ákimderi aýrhanalarda qosymsha tósek oryndary ashyldy, jaǵdai jasaldy degen málimetteri bolsa da azamattar tósek oryndarynyń tapshylyǵyn, dári-dármekterdiń jetispeýshiligin, aýdan ortalyqtarynda PTsR-laboratoriia joq ekenin, analiz ýaqytynda shyqpaitynyn, jaǵdai jasalmaǵanyn kórip, tiisti meditsinalyq kómekke qol jetkize almai otyr. Óz kezeginde ákimder Prezidentimizdiń - bizdiń jumysymyz aiqyn, qoǵam aldynda esh nárseni jasyrmai, ashyq aitamyz,- degen baǵytyn ustaný qajet.
Memleket basshysy dárigerlerimiz buqaralyq aqparat quraldary arqyly azamattarǵa naqty, birizdi málimet berý kerektigin, onyń mańyzdylyǵyn da atap ótti. Bul, qazirgi tańda halyqty qoldaýdyń bir túri. Qazirgi jaǵdaida, kóptegen azamattar úi jaǵdaiynda emdelýde. Olar mamandardyń, dárigerlerdiń kómegine zárý. Sondyqtan, telearnalar, áleýmettik jeliler arqyly da meditsina sala qyzmetkerleri emdelýdiń joldaryn,túrlerin, qandai dári-dármekter qajettiligi, olar qai dárihanalarda bar ekeni týraly naqty aqparat berip otyrsa, bul da aýyryp jatqan adamdarǵa úlken qoldaý,jaqsy kómek bolar edi», - dedi Parlament depýtaty.
NúSabilianov málim etkendei, dári-dármekter, apparattar satyp alýǵa, meditsina qyzmetkerlerin yńtalandyrýǵa jáne basqa da kezek kúttirmeitin máselelerdi sheshýge 150 mlrd tenge baǵyttalyp otyr.
«Úndeýde bul týraly ashyq jariia ete otyryp, Prezident memlekettik biýjetten bólinip jatqan barlyq qarajattyń jumsalýyn erekshe baqylaýda ustaitynyn basa aitty. Naqty sheshim shyǵardy. Óitkeni,densaýlyq saqtaý salasyna bólinip jatqan qarajat tiimdi,maqsatyna sai jumsalyp, meditsinalyq kómektiń kólemin,sapasyn jaqsartý kerek. Halyqqa memleket qarajaty qaida, qalai jumsalǵany týraly esep berilip, ol týraly aqparat jariialanyp otyrǵany durys. Sonda ashyqtyq qalyptasady. Halyqtyń senimi artady. Jalpy, «SQ Farmatsiia« JShS-niń qyzmetine,onyń satyp alyp jatqan dári-dármekteriniń baǵasyna,sapasyna,ondaǵy memleket qarajatynyń jumsalýyna qatań baqylaý ornatylyp,jariialyq bolý kerek. Óitkeni, bul seriktestik biýdjet qarajatyna dári-dármekpen qamtamasyz etetin jalǵyz operator, monopolist. Bul baǵytta elimizde básekelestik bolǵanyn qoldaimyn.
El Prezidentiniń qabyldaǵan naqty sharalary,sheshimderi mynandai qiyn jaǵdaida halyqqa kórsetiletin meditsinalyq kómektiń kólemin kóbeitýge, azamattardyń densaýlyǵyn jaqsartýǵa jol shatyny sózsiz.
Al, biz óz tarapymyzdan qolymyzdan kelgen qoldaýdy, kómekti halyqqa kórsetemiz. Bar kómekterin kórsetip jatqan janashyr azamattar men eriktelermen birgemiz. Aq halatty abzal jandarǵa alǵysymyz sheksiz. Endi, azamattar da karantin erejelerin saqtaýǵa,onyń talaptaryn muqiiat oryndaýǵa,indettiń taralýyna negiz bolatyn is-sharalardy ýaqytsha toqtatýǵa atsalysady dep oilaimyz.
Birigip, birlesip osy indetti jeńemiz!», - dep túiindedi oiyn depýtat.
