Nur-Sultanda Memleket basshysynyń qatysýymen Volonterler jylynyń resmi jabylý saltanaty ótti. Onda elimizdiń barlyq aimaǵynan qatysyp otyrǵan volonterler óz tájiribesin bólisti, dep habarlaidy QazAqparat.
Sonyń biri - Arys qalasynan kelgen volonter Oljas Mamyr.
Ol Volonter jyly eriktilerge degen qurmet artyp, eńbegi elene bastaǵanyn aitady.
«Arystaǵy apat kezinde turǵyndardy evakýatsiialap, azyq-túlikpen jáne kiim-keshekpen qamtamasyz etýge atsalystyq. Jaqynynan kóz jazyp qalǵan qanshama jannyń qaita qaýyshýyna sebep boldyq. Eń bastysy, tótenshe jaǵdaida jyldam áreket etý tásilderin úirendik. Osy tájiribeni Maqtaaralda qoldandyq. Sý tasqyny kezinde barlyq volonter bir ortalyqqa birigip, tize qosyp qimyldady. 16 myń tonna gýmanitarlyq kómek úlestirildi. Tipti, sýǵa ketken adamdardy qutqaryp qalǵan kezimiz de boldy», - deidi volonter.
Budan keiin Oljas Mamyr pandemiia kezinde d árigerlermen, tártip saqshylarymen birge jaǵdaidy turaqtandyrýǵa belsene atsalysty.
Bul jumystardyń barlyǵy Prezident usynǵan «Birgemiz: Umit» jalpyulttyq jobasynyń maqsatymen tolyq úndesedi.
«Biyl «Birgemiz: Umit» jobasynyń volonterleri 1 myńnan astam joǵalǵan adamdy izdeýge qatysty. Habar-osharsyz ketken 50 adamdy tabýǵa kómektesti. Ekinshi dúniejúzi soǵysy ótken jerlerden tabylǵan nagradalar arqyly qazaqstandyq 566 sarbazdyń esimin anyqtaýǵa atsalysqan. Volonterler esirtkini jarnamalaityn 87 graffitidi óshirdi», - deidi Oljas Mamyr.
.jpeg)