«Birgemiz» qory búgin-erteń taǵy 30 myń muqtaj otbasyǵa 50 myń teńgeden birjolǵy qarjylai kómek aýdarady. Bul týraly «Nur Otan» partiiasy Tóraǵasynyń birinshi orynbasary Baýyrjan Baibek Facebook paraqshasynda jazdy, dep habarlaidy "Ult aqparat".
«Keshe Memleket basshysy Qasym-Jomart Toqaev málimdeme jasap, eldiń aǵymdaǵy áleýmettik jáne ekonomikalyq kún tártibi men memlekettiń daǵdarystan keiingi damýynyń negizgi baǵyttaryn belgiledi. Azamattarymyzdyń ómiri men densaýlyǵynyń bárinen qymbat ekeni eskerile otyryp, tótenshe jaǵdai rejimin 11 mamyrǵa deiin uzartý týraly sheshim qabyldandy. Prezident osyndai kúrdeli kezeńde eshkimniń nazardan tys qalmai, barsha muqtaj jandarǵa qoldaý kórsetiletinin atap kórsetti. Máselen, búgingi kúnge deiin 4 millionnan astam adam tikelei qarjylyq kómek alyp, 570 myńdai adamǵa azyq-túlik jiyntyǵy úlestirilgen. Jalpy, azyq-túlik sebetimen 1,1 mln adam qamtylyp, 1,6 mln adamnyń kommýnaldyq tólemderiniń merzimi keiinge shegeriletin bolady», - dedi ol.
Baýyrjan Baibek Memleket basshysy osynaý qysyltaiań shaqta nurotandyqtardyń, belsendiler men volonterlardyń atqaryp jatqan jumystaryn joǵary baǵalaǵyndyǵyn eske saldy. Jasotandyqtar 90 myń muqtaj otbasyǵa azyq-túlik jiyntyǵyn, antiseptik quraldaryn jetkizip bergenin, buǵan qosa elordada, Almaty men Shymkent qalalarynda 100 myń otbasy tegin maskalarmen qamtamasyz etilgenin atap ótti.
«Sonymen birge Elbasynyń bastamasymen qurylǵan «Birgemiz» qory 330 myń muqtaj otbasyǵa 50 myń teńgeden birjolǵy qarjylai kómek aýdardy. Búgin-erteń taǵy da 30 myńnan astam otbasy qamtylatyn bolady. Uly Jeńistiń 75 jyldyǵy qarsańynda «Birgemiz» qorynan ekinshi dúniejúzilik soǵystyń 40 myń qatysýshysy men múgedegi, sondai-aq tyl eńbekkerleri 50 myń teńgeden tólemaqy aldy. 800-den astam ardager men 8 myń tyl eńbekkerine azyq-túlik sebetteri men jeke qorǵanys quraldary jetkizilip berildi. Ardagerlerimizge qoldaý kórsetý jumystary ári qarai da jalǵasa beredi«,- dedi Baýyrjan Baibek.
«Nur Otan» partiiasy Tóraǵasynyń birinshi orynbasary 24 sáýirde eldiń Tuńǵysh Prezidenti – Elbasy Nursultan Ábishuly Nazarbaev Qaýipsizdik keńesiniń otyrysynda koronavirýstan keiingi kezeńde bizneske, eń aldymen shaǵyn jáne orta bizneske qoldaý kórsetýge kúsh sala otyryp, ekonomikany saýyqtyrý sharalaryn qolǵa alýdyń mańyzdylyǵyn atap kórsetkenine nazar aýdartty.
«Osyǵan orai 11 mamyrǵa deiin ekonomikalyq damýdy qalpyna keltirý jónindegi keshendi jospar ázirleý josparlanyp jatyr. Úkimet memlekettik qoldaý kórsetiletin kompaniialardyń tizimin jasaýǵa kiristi. Prezidenttiń tapsyrmasy boiynsha, buǵan shyn máninde mańyzdy jáne júie quraýshy kásiporyndar enýi tiis. «Nur Otan» partiiasy da osy jumysqa atsalysýda. Biz, eń aldymen, shyǵaratyn óniminiń quramynda qazaqstandyq úlesi joǵary jáne qyzmetkerleriniń sany kóp óńdeýshi sala kásiporyndaryna basa nazar aýdarǵan jón dep esepteimiz. Bul rette kásiporyndar úshin «qarapaiym zattar ekonomikasy», importqa táýeldilikti azaitý aiasynda naqty nysanaly kórsetkishter belgilenýi tiis», - dedi ol.
Baýyrjan Baibek sondai-aq, Prezident óz málimdemesinde azyq-túlik taýarlarynyń jetkiliktiligi men sapasyna monitoring jasaýdyń, eldiń azyq-túlik qaýipsizdigin qamtamasyz etýdiń mańyzdylyǵyn atap kórsetkenine toqtaldy.
«Osyǵan bailanysty «Nur Otan» partiiasy óziniń óńirlik jáne aýdandyq filialdarynyń jumysyn kúsheitedi. Jalpy, azamattar men biznesti qoldaýǵa baǵyttalǵan qarajattyń kólemi 6 trillion teńgeni qurady. Bul qarajatty jumsaýdyń tiimdiligi men ashyqtyǵy «Nur Otan»-nyń turaqty qoǵamdyq baqylaýynda bolady. Elimizdiń aldynda ekonomikany qalpyna keltirý, azamattardy qalypty ómirge qaita oraltý boiynsha mańyzdy jumystar tur. «Jumyla kótergen júk jeńil» degendei, bárimiz birlesip barsha qiyndyqtardy eńseretinimizge senimdimin. Eldiń jetekshi saiasi kúshi retinde «Nur Otan» partiiasy da óziniń búkil áleýetin osyǵan jumyldyrady», - dedi «Nur Otan» partiiasy Tóraǵasynyń birinshi orynbasary.
