Elordada koronavirýspen kúres jaǵdaiynda halyqtyń muqtaj tobyna qoldaý kórsetý maqsatynda Elbasy Nursultan Nazarbaevtyń bastamasymen qurylǵan «Birgemiz» Qoǵamdyq qorynyń Qamqorshylar keńesiniń alǵashqy otyrysy ótti, dep habarlaidy "Ult aqparat" «Birgemiz» qoǵamdyq qorynyń baspasóz qyzmetine silteme jasap primeminister.kz habarlaidy.
Jiyn barysynda qordyń qamqorshylar keńesiniń quramy jariialanyp, oǵan belgili qoǵam jáne memleket qairatkerleri, azamattyq qoǵam ókilderi men jastar kirdi.
Qor quryltaishylary jinalysynyń sheshimi boiynsha Memleket basshysynyń usynystary eskerile otyryp, Qamqorshylar keńesiniń quramyna: Qamqorshylar keńesiniń tóraǵasy - «Nur Otan» partiiasy Tóraǵasynyń Birinshi orynbasary Baýyrjan Baibek, Qamqorshylar keńesi tóraǵasynyń orynbasary – Tuńǵysh Prezident Qorynyń atqarýshy direktory Qanat Jumabaev, Qamqorshylar keńesiniń hatshysy – jýrnalist, «Bas redaktorlar klýbynyń» prezidenti Bibigúl Jeksenbai, keńes músheleri – Parlament Senatynyń depýtattary Nurtóre Júsip pen Olga Perepechina, Parlament Májilisiniń depýtattary Nurlan Ábdirov pen Baqtyqoja Izmuhambetov, «Volonterler ligasy» Qoǵamdyq qorynyń tóraiymy Aisulý Erniiazova, «Ulttyq volonterlar jelisi» Zańdy tulǵalar qaýymdastyǵynyń tóraiymy Vera Kim, «Mir cherez dýhovnost» qoǵamdyq birlestiginiń tóraiymy Sáýle Muqashova, «Ulttyq ǵylymi kardiohirýrgiia ortalyǵy» AQ Basqarmasynyń tóraǵasy Iýrii Pia jáne «Altyn Kyran» Halyqaralyq qaiyrymdylyq qorynyń prezidenti Islambek Saljanov kirdi.
Qordyń joǵary basqarý organy – Quryltaishylardyń jalpy jinalysynyń tóraǵasy Premer-Ministrdiń orynbasary Eraly Toǵjanov boldy.
Qordyń quryltaishylary – «Ardagerler uiymy» (Baqtyqoja Izmuhambetov basqarady) jáne «Mir cherez dýhovnost» qoǵamdyq birlestikteri (Sáýle Muqashova basqarady).
«Birgemiz» Qorynyń Basqarma tóraǵasy Rýslan Sakeev qorǵa «Nur Otan» partiiasynyń jan-jaqty kómegi qajet ekendigin atap kórsetti. Óitkeni osynaý qoǵamdyq birlestiktiń árbir óńirde filialdary jumys isteidi, qajetti materialdyq-tehnikalyq bazaǵa ie jáne «Jas Otan» jastar qanatynyń keń aýqymdy volonterlar jelisi bar.
« Birinshi otyrysty biz «Nur Otan» partiiasynyń qabyrǵasynda ótkizip otyrmyz, óitkeni onyń múmkindikterine súiengimiz keledi. Elbasynyń qoldaýymen qorǵa qarajat túsip jatyr, al halyqtyń aýqymdy bóligimen tiimdi jumys júrgizý úshin bizge infraqurylym, zor uiymdyq tájiribe jáne adamdar qajet. Bul atalǵandardyń basym bóligi búginde tek partiiada ǵana ba r» - dep atap ótti Rýslan Sakeev.
Búginde jańadan qurylǵan qoǵamdyq qorǵa eldiń iri biznes ókilderi $40 mln-nan astam qarajatty toptastyrdy. Bul qarajat Qamqorshylar keńesiniń sheshimimen halyqtyń áleýmettik osal toptaryna ataýly kómek kórsetýge baǵyttalatyn bolady. Qazir kómek túrleri men ony alýshylar sanattaryn anyqtaý boiynsha júmys bastaldy.
Óz kezeginde Baýyrjan Baibek Qamqorshylar keńesi atynan Elbasy úndeýine qoldaý kórsetken biznesmenderge alǵys aityp, qazaqstandyqtardyń birlese otyryp, kez kelgen daǵdarysty eńseretinine senimdiligin bildirdi.
«Elbasy, «Nur Otan» Lideri Nursultan Nazarbaevtyń tapsyrmasy boiynsha biz ózimizdiń barlyq uiymdyq jáne media resýrstarymyzdy qordyń tiimdi jumys isteýi úshin aqysyz negizde usynamyz», - dedi Baýyrjan Baibek.
Memleket basshysy Qasym-Jomart Toqaev jariialaǵan «Biz birgemiz!» jalpy respýblikalyq aktsiiasy aiasynda «Kedergisiz keleshek», «Baqytty otbasy» jáne «Ardagerlerdi ardaqtaiyq» partiialyq jobalary jelisi boiynsha halyqtyń ártúrli toptaryna áleýmettik kómek kórsetý qor qurylǵanǵa deiin bastalyp ketkenin atap ótken jón.
Elbasynyń tapsyrmasy boiynsha «Nur Otan» partiiasy karantin jariialanǵan Nur-Sultan jáne Almaty qalalaryndaǵy jalǵyz basty qarttarǵa, múgedekterge jáne turmysy tómen kópbalaly otbasylarǵa ataýly kómek kórsetý úshin 150 mln teńge bóldi. Koronavirýs indetiniń taralýyna qarsy kúreske Elbasynyń sheshimimen Tuńǵysh Prezident Qory taǵy da 200 mln teńge baǵyttady.
Búginde «Jas Otan» volonterlary men partiia belsendileri halyqtyń áleýmettik osal sanattaryn antiseptika jáne gigiena quraldarymen, birinshi kezekte qajetti taýarlarmen bailanyssyz taratý jolymen qamtamasyz etýde. Tek sońǵy tórt kúnde búkil el kóleminde 7 myńǵa jýyq otbasyǵa 130 mln teńge somaǵa áleýmettik kómek kórsetildi.
