Qazaqstandyq kásipqoi boksshy Jánibek Álimhanuly (6-0) óz jankúierlerin aldaǵy jeksenbi erterek turyp, aiqasty tamashalaýǵa shaqyrdy, dep habarlaidy "Ult aqparat".
«Qadirli jankúierler! Buiyrtsa, osy jeksenbi tańerteń erte oianyńyzdar! Kanadalyqty birge jazalaiyq», - dep jazdy Jánibek Álimhanuly Instagram-daǵy paraqshasynda.
Aita ketsek, buǵan deiin kanadalyq boksshy Stiýard Makklel (27-3-3) Instagram jelisinde Jánibekti jankúierlerine tanystyryp, qazaqstandyq qarsylasyn ájýa etken bolatyn. Stiýard óz paraqshasynda jariialaǵan fotoda Jánibek Álimhanulyn «Borat» keipinde kórsetken.
Jánibek Álimhanulynyń aldaǵy jekpe-jegi 17 tamyzda AQSh-tyń Los-Andjeles qalasynda ótedi. Ýaqyt aiyrmasyna bailanysty Qazaqstanda bul 18 tamyz tańerteńge sáikes keledi. Jekpe-jekti QazSport tikelei efirde kórsetedi.
Eske sala ketsek, 13 sáýirde qazaqstandyq boksshy Jánibek Álimhanuly (4-0, 1 KO) alǵashqy titýldyq aiqasyn ótkizgen bolatyn. AQSh-tyń Los-Andjeles qalasynda bolǵan jekpe-jekte ol Kristian Olivaspen (16-4, 13 KO) judyryqtasyp, jeńiske jetti. Qazaqstandyq boksshy orta salmaqtaǵy WBO Global jáne WBC Continental Americas belbeýlerin ielendi.
