قازاقستاندىق كەسٸپقوي بوكسشى جەنٸبەك ەلٸمحانۇلى (6-0) ٶز جانكٷيەرلەرٸن الداعى جەكسەنبٸ ەرتەرەك تۇرىپ, ايقاستى تاماشالاۋعا شاقىردى, دەپ حابارلايدى "ۇلت اقپارات".
«قادٸرلٸ جانكٷيەرلەر! بۇيىرتسا, وسى جەكسەنبٸ تاڭەرتەڭ ەرتە ويانىڭىزدار! كانادالىقتى بٸرگە جازالايىق», - دەپ جازدى جەنٸبەك ەلٸمحانۇلى Instagram-داعى پاراقشاسىندا.
ايتا كەتسەك, بۇعان دەيٸن كانادالىق بوكسشى ستيۋارد ماككلەل (27-3-3) Instagram جەلٸسٸندە جەنٸبەكتٸ جانكٷيەرلەرٸنە تانىستىرىپ, قازاقستاندىق قارسىلاسىن ەجۋا ەتكەن بولاتىن. ستيۋارد ٶز پاراقشاسىندا جارييالاعان فوتودا جەنٸبەك ەلٸمحانۇلىن «بورات» كەيپٸندە كٶرسەتكەن.
جەنٸبەك ەلٸمحانۇلىنىڭ الداعى جەكپە-جەگٸ 17 تامىزدا اقش-تىڭ لوس-اندجەلەس قالاسىندا ٶتەدٸ. ۋاقىت ايىرماسىنا بايلانىستى قازاقستاندا بۇل 18 تامىز تاڭەرتەڭگە سەيكەس كەلەدٸ. جەكپە-جەكتٸ QazSport تٸكەلەي ەفيردە كٶرسەتەدٸ.
ەسكە سالا كەتسەك, 13 سەۋٸردە قازاقستاندىق بوكسشى جەنٸبەك ەلٸمحانۇلى (4-0, 1 كو) العاشقى تيتۋلدىق ايقاسىن ٶتكٸزگەن بولاتىن. اقش-تىڭ لوس-اندجەلەس قالاسىندا بولعان جەكپە-جەكتە ول كريستيان وليۆاسپەن (16-4, 13 كو) جۇدىرىقتاسىپ, جەڭٸسكە جەتتٸ. قازاقستاندىق بوكسشى ورتا سالماقتاعى WBO Global جەنە WBC Continental Americas بەلبەۋلەرٸن يەلەندٸ.
