Elorda ákimdigi «Birge» saityn iske qosty. Osyǵan orai búgin Nur-Sultan qalasy ákiminiń orynbasary Baqtiiar Máken atalǵan saittyń qala turǵyndary úshin qandai tiimdiligi bar ekendigin aitty, dep habarlaidy QazAqparat.
«Taiaýda ǵana ákimdik jańa sait ashatyndyǵyn jariia etken edik. Elorda turǵyndarynyń usynystaryn jinaý úshin «Birge» saityn iske qostyq. Onda elordanyń árbir turǵyny qalanyń tynys-tirshiligine qatysty kez kelgen máselemen júgine alady. Qalamyzdy jaqsartýǵa jáne damytýǵa qatysty usynystar, qandai da bir problemalar bolyp jatsa, ol saitqa egiziledi jáne biz ony birlese otyryp sheshetin bolamyz», - dedi ol «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda ótken kezdesý barysynda.
Sonymen qatar qala basshysynyń orynbasary belsendi elordalyqtar atalǵan saitta usynystary men ideialaryn jazyp qaldyra alatyndyǵyn atap ótti.
«Tuǵyrnamanyń jumys isteý protsesi qarapaiym. Iaǵni, ideia usyný, jinaqtaý, jobany júzege asyrý. Demek, biz turǵyndardyń úzdik usynystaryn birlese júzege asyramyz», - dedi Baqtiiar Máken.
