Bir jyl ishinde bilim salasy qyzmetkerleriniń jalaqysy birden 27%-ke artty.
Osy jyldyń ekinshi toqsanynda muǵalimderdiń ortasha ailyq jalaqysy 233,9 myń teńgege jetken. Bul byltyrǵymen salystyrǵanda 26,8%-ke kóp, dep habarlaidy Sputnik Qazaqstan portaly ranking.kz saityna silteme jasap.
Balabaqsha qyzmetkerleri orta eseppen 116,4 myń teńge, bastaýysh bilim — 193,4 myń teńge, orta bilim — 273,7 myń teńge, joǵary bilim 251,7 myń teńge jalaqy aldy.
Óńirler arasynda eń joǵary jalaqy elordalyq muǵalimderde – 350,8 myń teńge. Bul bir jyl burynǵymen salystyrǵanda 17,6%-ke artyq.
Ekinshi jáne úshinshi oryndarǵa Mańǵystaý oblysy (268 myń teńge) men Almaty qalasy (265,5 myń teńge) jaiǵasty.
Eń tómen ailyq Batys Qazaqstan oblysynda tirkelip otyr – 200,7 myń teńge.
Basylym aqparatynsha, Qazaqstannyń tek bes óńirinde ǵana muǵalimderdiń jalaqysy respýblikadaǵy ortasha eńbekaqydan asady. Úzdik bestikke Qyzylorda men Almaty oblystary da kirdi.
Bilim ministrligi kelesi jyldan bastap balabaqsha, mektep pen kolledj muǵalimderiniń jalaqysy taǵy 25 protsentke ósetinin habarlaǵan bolatyn.
