بٸر جىلدا قازاقستاندىق مۇعالٸمدەردٸڭ جالاقىسى قانشا تەڭگەگە ٶستٸ

بٸر جىل ٸشٸندە بٸلٸم سالاسى قىزمەتكەرلەرٸنٸڭ جالاقىسى بٸردەن 27%-كە ارتتى.

وسى جىلدىڭ ەكٸنشٸ توقسانىندا مۇعالٸمدەردٸڭ ورتاشا ايلىق جالاقىسى 233,9 مىڭ تەڭگەگە جەتكەن. بۇل بىلتىرعىمەن سالىستىرعاندا 26,8%-كە كٶپ, دەپ حابارلايدى Sputnik قازاقستان پورتالى ranking.kz سايتىنا سٸلتەمە جاساپ.

بالاباقشا قىزمەتكەرلەرٸ ورتا ەسەپپەن 116,4 مىڭ تەڭگە, باستاۋىش بٸلٸم — 193,4 مىڭ تەڭگە, ورتا بٸلٸم — 273,7 مىڭ تەڭگە, جوعارى بٸلٸم 251,7 مىڭ تەڭگە جالاقى الدى.

ٶڭٸرلەر اراسىندا ەڭ جوعارى جالاقى ەلوردالىق مۇعالٸمدەردە – 350,8 مىڭ تەڭگە. بۇل بٸر جىل بۇرىنعىمەن سالىستىرعاندا 17,6%-كە ارتىق.

ەكٸنشٸ جەنە ٷشٸنشٸ ورىندارعا ماڭعىستاۋ وبلىسى (268 مىڭ تەڭگە) مەن الماتى قالاسى (265,5 مىڭ تەڭگە) جايعاستى.

ەڭ تٶمەن ايلىق باتىس قازاقستان وبلىسىندا تٸركەلٸپ وتىر – 200,7 مىڭ تەڭگە.

باسىلىم اقپاراتىنشا, قازاقستاننىڭ تەك بەس ٶڭٸرٸندە عانا مۇعالٸمدەردٸڭ جالاقىسى رەسپۋبليكاداعى ورتاشا ەڭبەكاقىدان اسادى. ٷزدٸك بەستٸككە قىزىلوردا مەن الماتى وبلىستارى دا كٸردٸ.

بٸلٸم مينيسترلٸگٸ كەلەسٸ جىلدان باستاپ بالاباقشا, مەكتەپ پەن كوللەدج مۇعالٸمدەرٸنٸڭ جالاقىسى تاعى 25 پروتسەنتكە ٶسەتٸنٸن حابارلاعان بولاتىن.