Foto ashyq derekkózden alyndy
Ulttyq statistika biýrosy Qazaqstannyń ákimshilik-aýmaqtyq birlikterine qatysty derekti jańartty, dep habarlaidy Sputnik Qazaqstan.
2023 jyldyń 1 shildesindegi derek boiynsha:
• 188 aýdan;
• 89 qala (38 oblystyq, 48 aýdandyq, 3 respýblikalyq mańyzy bar qala);
• 6 286 aýyl;
• 29 kent;
• 2 176 aýyldyq okrýg bar.
Respýblika boiynsha qala men aýdannyń eń kóp sany Aqmola oblysynda – 11 qala jáne 17 aýdan. Ótken jyldyń sáikes kezeńimen salystyrǵanda aýdandar sany 2 birlikke artqan, bir-bir jańa aýdan Astana jáne Shymkent qalalarynda qurylǵan.
Aýyldy eldi mekenderdiń eń kóp sany Túrkistan (825), Soltústik Qazaqstan (635) jáne Aqmola oblystarynda (589). Eger bir jyl burynǵy málimetpen salystyrsaq, aýyldar sany 8 birlikke azaiǵan. Batys Qazaqstan oblysynda 3 birlikke, Qaraǵandy oblysynda 5 birlikke qysqarǵan, al Túrkistan oblysynda kerisinshe 1 aýyl qosyldy.
