Foto: inform.kz
Bala quqyqtary jónindegi ýákil Dinara Zákieva jumys barysyna qatysty aralyq esepti jariialady, dep habarlaidy "Ult aqparat".
"Qurmetti dostar, aǵymdaǵy ai boiy Premer-Ministrdiń orynbasary T.Q. Dúisenova jáne memlekettik organdardyń barlyǵymen Memleket basshysynyń balalyq shaq salasyndaǵy tapsyrmalaryn iske asyrý boiynsha jumys istep kelemiz.
Negizgi baǵyttar – profilaktika júiesin jáne kómek quraldaryn qurýdy, sondai-aq balalarǵa qatysty qylmystar boiynsha zańnamaǵa ózgerister engizýdi jáne balalar qaýipsizdigin qamtamasyz etý; erekshe qajettilikteri bar balalar men aýyldyq jerlerde turatyn balalarǵa arnalǵan infraqurylym qurý" - dep jazdy ýákil áleýmettik jelidegi paraqshasynda.
Onyń aitýynsha, bul jáne basqa da mindettermen óńirlerde jumys istei bastaǵan.
"Jalpy alǵanda, bir jarym aidyń ishinde 4 aimaqqa baryp keldim. Endi kúzde ÚEU-men, óńirlik BQÝ-dermen úlken talqylaý ótkizýdi josparlap otyrmyz. Óńirlerge uzaǵyraq merzimge baryp, aýdan ortalyqtary men aýyldarda jumys isteimiz.
Túrli memlekettik organdarmen birlese otyryp, ata-analarmen kóteriletin máseleler men ótinishter boiynsha únemi kezdesýler ótkizip júrmiz. Sondai-aq, bir jarym aidyń ishinde 400 jeke ótinish boiynsha jumys júrgizildi – bul emdeý máseleleri, dári-dármekpen qamtamasyz etý, zorlyq-zombylyqqa qatysty jáne t. b." - dep túiindedi Dinara Zákieva.
