kórneki sýret: Pixabay.com / iOscarHdz
Túrkistanda zeinetker kórshisiniń kámelet jasyna tolmaǵan qyzdaryna seksýaldyq sipattaǵy áreketter jasaǵan. Oqiǵa ótken jyldyń 22 qazanynda bolǵan. 66 jastaǵy qariia sot úkimimen kináli dep tanyldy, - dep habarlaidy Otyrar.kz portaly.
Oblystyq sottyń málimetinshe, 1957 jyly dúniege kelgen er adam kórshi turatyn ájeidiń úiine qonaqqa barǵan. Sodan eki zeinetker shai iship bolǵan soń qariia tynyǵyp alý úshin saǵat 14:30 shamasynda qonaq bólmege barǵan. Ol jerde ájeidiń 2012, 2014 jáne 2017 jyly dúniege kelgen nemere qyzdary oinap otyrǵan. Osy kezde er adam aram piǵylyn júzege asyrmaq bolady. Ol balalarǵa azǵyndyq áreketter jasap, óziniń nápsiqumarlyǵyn qandyrǵan. Tarqatyp aitqanda, óziniń jynystyq múshesin ustatyp, keiin olardyń áýretti jerlerin ustap, súiisken.
Qyzdardyń anasy bul azǵyndyq týraly alǵashynda bilmegen. Keiin 2014 jyly dúniege kelgen qyzy tamaq ishýden bas tartyp, tili aýyratynyn aityp shaǵymdanǵan. Anasy ózge eki qyzynan bolǵan jaǵdaidy suraǵanda, olar oqiǵany rastaǵan jáne ózderi de qurban bolǵandaryn aitqan.
Sottalýshynyń kinási saraptama qorytyndylarymen, is boiynsha jinaqtalǵan dáleldemelermen, oqiǵa bolǵan jerlerdi qaraý jáne bettestirý hattamalarymen dáleldendi.
Zeinetkerge Qylmystyq kodekstiń 124-baby 4-bóligimen aiyp taǵyldy. Ol óz kinásin moiyndady.
«Sot úkimimen sottalýshyǵa 15 jyl merzimge bas bostandyǵynan aiyrý jazasy taǵaiyndaldy. Ol jazasyn qylmystyq-atqarý júiesiniń qaýipsizdigi ortasha túzeý mekemesinde óteitin bolady. Sonymen qatar sottalýshy ómir boiyna psihologiialyq jáne pedagogikalyq tárbieleý quqyǵynan aiyryldy. Úkim zańdy kúshine engen joq» - delingen oblystyq sot málimetinde.
