Almatyda ótken túnde eki jeńil avto men jedel járdem kóligin urlaǵan er adam ustaldy, dep habarlaidy Sputnik Qazaqstan.
Almaty politsiia departamentiniń habarlaýynsha, Qulja traktisindegi turǵyn úi kesheniniń aýmaǵynan BMW markaly avtokólikti aidap áketý týraly alǵashqy habarlama politsiiaǵa 21.45-te túsken. Aýladan shyqqan ury Audi-men soqtyǵysyp, oqiǵa ornynan qashyp ketken.
Nazar aýdaryńyz! Videoda balaǵat sózder aitylǵan.
Ol urlanǵan kólikpen Almaty oblysy Eńbekshiqazaq aýdanynyń Esik qalasyna jetip, qarsy baǵytqa shyǵyp, Toyota avtokóligimen soqtyǵysqan. Alaida ury oqiǵa ornynan jaiaý izin sýytqan. Sodan keiin ol 28 jastaǵy qyzdan Nissan kóligin kúshpen tartyp alyp, tasjolda aýdarylǵan. Kýágerler jedel járdem shaqyrǵan kezde er adam jedel járdem kóligin de aidap ketken.
"Kýágerler jedel járdem shaqyrdy. Al ury meditsinalyq brigada kóligin de aidap ketti. Ol oblystyq jedel járdem stantsiiasyna tiesili Jac Sunray-men qalaǵa kirgende birden patrýldik politsiia ekipajy ustady", - dep naqtylady Almaty politsiiasy.
Meditsinalyq kýálandyrý 1994 jyly týǵan kúdikti esirtki qabyldaǵanyn kórsetti. Qazir ol qamaýda otyr. Politsiia urlyq faktisi boiynsha birden úsh qylmystyq is qozǵady.
