Ulttyq bank videoda Qazaqstan valiýtasynyń joiylǵan eski banknottarynyń briketteri kórsetilgen bolýy múmkin ekenin aitty.
"Alaida videodan aqshanyń shyn nemese jalǵan ekenin ajyratý múmkin emes", - dedi Ulttyq bank ókilderi. Videonyń túsirilgen kúni týraly aqparat joq.
Vedomstvo ókilderi Ulttyq banktiń ulttyq valiýta banknottary men monetalarynyń emitenti retindegi mindetteriniń biri - ainalystaǵy qolma-qol aqshany tiisti sapa jaǵdaiynda ustap turý ekenin túsindirdi. Iaǵni tozǵan dep tanylǵan, ainalysta odan ári paidalanýǵa jatpaityn barlyq banknot qolma-qol aqsha ainalymynan alynady, sodan keiin tiisinshe, joiylady.
"Ulttyq bank belgilegen tártippen banknottardy joiýǵa jáne briketteýge arnalǵan jabdyqta usaq bólikterge kesiledi. Tozǵan banknottar - Qazaqstan Respýblikasy ulttyq valiýtasynyń banknottary men monetalarynyń tólem qabilettin aiqyndaý qaǵidalarynda kórsetilgendei, aqaýy bar banknottar", - dedi Ulttyq bank baspasóz qyzmetindegiler.
Mynadai aqaýy bar banknottar tozǵan bolyp sanalady:
1) boiaǵysh zattar tógilgen, onyń ishinde jaiylyp ketken boiaýlarmen jazylǵan jazbalary bar;
2) bógde jazbalary bar, onyń ishinde, ýltrakúlgin jaryq túsirgen kezde kórinetin, arnaiy himiialyq untaqpen óńdelgen jáne mashinamen oqylatyn belgilerdi kórsetpeitin;
3) jyrtylǵan, jelimdengen nemese bir banknottyń jelimdenbegen bólikteri jáne Ulttyq Bank belgilegen banknot ólsheminiń keminde 70 paiyzyn quraityn banknottar;
4) buryshynan nemese shetinen ólsheminiń bir paiyzyna astamyn joǵaltqan, bul rette Ulttyq bank belgilegen banknot ólsheminiń keminde jetpis paiyzyn saqtap qalǵan;
5) tússiz jabysqaq lentamen jelimdengen jyrtyǵy bar;
6) banknottaǵy tesikterdiń bolýy ony ainalymnan shyǵarý úshin tesilgenin bildiretin jaǵdailardy qospaǵanda, diametri 3 jáne odan astam millimetr bolatyn oiyqtary, tesikteri jáne jyrtyqtary bar;
7) banknot beinesiniń joǵalýyna ákep soqtyrǵan syrylý belgileri bar;
8) ot shalǵan jáne kúigen, biraq bul rette Ulttyq bank belgilegen banknot kóleminen keminde jetpis paiyzyn saqtap qalǵan;
9) banknot beinesiniń jáne ashyqtyǵynyń tómendeýine ákep soqtyrǵan, bet jáne (nemese) syrt jaqtary kirlegen banknottar tozǵan banknottar. Kirleý degenimiz shańnyń, kirdiń, maidyń jáne basqa da lastaǵysh zattardan banknot betiniń qaraiýymen sipattalatyn banknottardyń jai-kúii;
10) úlbireý jáne qaǵazdyń qattylyǵyn joǵaltý belgileri bar banknottar.
Ulttyq bank banknottar qandai jaǵddaida joiylatynyn aitty.
"Birinshisi: banknottardy shyǵarý kezinde avtomattandyrylǵan inspektsiialyq júieler men vizýaldy baqylaý quraldary qoldanyla otyryp sapany baqylaý júrgiziledi. Belgilengen standarttarǵa sáikes kelmeitin paraqtar men jekelegen banknottar (tehnologiialyq qaldyqtar) belgilengen tártippen arnaiy jabdyqta usaqtaý arqyly joiylady.
Ekinshi: tozǵan dep tanylǵan barlyq banknottar joiylýǵa jatady, al ainalysqa onyń ornyna emissiialyq banknottar shyǵarylady.
Usaqtalǵannan keiin briket túrindegi ártúrli nominaldaǵy banknottardyń tehnologiialyq qaldyqtary odan ári ýtilizatsiialaý úshin jetkizýshi kompaniiaǵa jiberiledi", - delingen vedomstvonyń Tengrinews.kz-ke jaýabynda.
