QR Densaýlyq saqtaý ministri Eljan Birtanov Úkimet otyrysynda Qazaqstandaǵy koronavirýs infektsiiasy ahýalyn baiandady, - dep habarlaidy "Ult aqparat".
«Búgingi kúnde jalpy el boiynsha COVID-19 juqtyrǵan 1852 naýqas tirkeldi. Olardyń eń kóp sany Almaty qalasynda - 606, Nur-Sultanda - 368, Qyzylorda oblysynda - 149. Ótkende táýlik boiynsha 141 jańa naýqas tirkeldi. Ósim deńgeii - 8,2 paiyz qurady», - dedi ministr Úkimettiń onlain otyrysynda.
Onyń aitýynsha, ótken táýlikte de eń kóp naýqas Almaty qalasynda (82 naýqas) jáne Shymkent qalasynda (23) tirkeldi.
«Almaty qalasynda 82 naýqastyń 78-i josparlanǵan skrinig test nátijesinde anyqtaldy. Olardyń 60-y - ortalyq klinikalyq aýrýhana ishindegi naýqastar men meditsinalyq qyzmetkerler. Shymkent qalasynda tirkelgen 23 naýqastyń 16-sy - skrinig boiynsha anyqtalǵan naýqastar. Tótenshe jaǵdai departamentiniń azamattary. Qalǵan naýqastar - emdelip jatqan patsientter jáne qarym-qatynas arqyly karantinde jatqan azamattar», - dedi E. Birtanov.
Jalpy ótken táýlik boiynsha 19 naýqas qaitys bolyp, 447 naýqas emdelip shyǵaryldy.
«Qazirgi ýaqytta 1386 naýqas emdelip jatyr, olardyń arasynda 100 bala bar. Jalpy ortasha jaǵdai boiynsha - 258, nashar jaǵdai boiynsha - 32, qalǵan 1096 naýqas jaǵdaiy - birqalypty», - dedi Eljan Birtanov.
