Qazaqstanda koronavirýs boiynsha testten ótkizý qýattylyǵy táýligine 90 myńǵa jetti. Bul týraly QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Búgingi kúni Qazaqstanda koronavirýs infektsiiasyn anyqtaý maqsatynda 4 millionǵa jýyq zertteý (test) júrgizildi. Testen ótkizý táýligine 90 myńǵa deiin jetti. Kún saiyn zerthanalar 40 myńǵa tarta adamdy koronavirýs infektsiiasy boiynsha testten ótkizip jatyr», - dedi Aleksei Tsoi Ortalyq kommýnikatsiialar qyzmetinde ótken baspasóz máslihatynda.
Ministr osylaisha zerthanalardyń rezervtik qýattylyǵy 50 myń zertteýge deiin jetkiziletinin málim etti. Bul – halyqty tolyqqandy testten ótkizý múmkindigine jol ashady.
