Kompozitti túrde kórsetiletin qyzmet túrleri kóbeiedi. Budan bylai qandaida bir memlekettik qyzmetti alý úshin toltyrylatyn ótinish sany azaitylady, dep habarlaidy "Ult aqparat" «Azamattarǵa arnalǵan úkimet» korporatsiiasynyń baspasóz qyzmetine silteme jasap.
2020 jyly qyzmet kórsetý protsesin ońtailandyrý úshin 55 túrli memlekettik qyzmet 21 túrli kompozittik qyzmetke biriktiriledi dep josparlanyp otyr.
«Mundai qyzmetterdiń ishinde jer aktisin alý qyzmeti úlken suranysqa ie dep oilaimyn. Máselen, qazir bul qyzmetti alý úshin 4 túrli ótinish jazý kerek. 2020 jyldan bastap, bul aktilerdiń barlyǵy biriktirilip, «Sáikestendirý qujattaryn ázirleý jáne berý» siiaqty bir qyzmet arqyly qoljetimdi bolady. Buǵan deiin biz zeinetkerlikke bailanysty tólemderdi taǵaiyndaý boiynsha barlyq qyzmetti kompozit qyzmetine biriktirgenbiz», – deidi memlekettik korporatsiianyń basqarma tóraiymy Ásemgúl Baltasheva.
Aita keteiik, zeinetkerlik tólemderdi bir ǵana ótinishpen taǵaiyndaýǵa múmkindik beretin qyzmet bir jyl buryn iske qosylǵan, sodan beri kompozitti túrde 99,2 zeinetaqy taǵaiyndalǵan. Buǵan deiin zeinet jasyna jetken azamat HQO-ǵa kelip jasyna bailanysty jáne bazalyq zeinetaqyny tóleý boiynsha 2 ótinish beretin, ári bir aidan keiin qaitadan memlekettik kepil tólem jasaý týraly ótinish jazyp, keiin Biryńǵai jinaqtaýshy zeinetaqy qoryna baryp, taǵy bir ótinish toltyratyn. Endi osy 4 qyzmet úshin HQO-ǵa bir-aq ret baryp, bir ǵana ótinish jazý jetkilikti.
