Almatyda qalta urlyǵymen ainalysty degen kúdikpen bir otbasynyń úsh kelini ustaldy. Politsiianyń málimetinshe, olardyń barlyǵy syǵan ultynyń ókilderinen quralǵan otbasylyq toptyń músheleri bolǵan, dep habarlaidy ult.kz.
Almaty qalalyq politsiia departamentiniń habarlaýynsha, qylmystyq shemanyń úshinshi qatysýshysy da qolǵa túsip, qazirgi tańda kúdiktilerdiń úsheýi de qamaýǵa alynǵan.
Tergeý barysynda áielderdiń ózara rólderdi aldyn ala bólisip, adam kóp jinalatyn oryndarda áreket etkeni anyqtalǵan. Olar negizinen bazarlarda, qoǵamdyq kólikterde jáne halyq kóp shoǵyrlanatyn jerlerde uialy telefondar, aqsha men altyn buiymdardy qoldy qylǵan.
Politseilerdiń aitýynsha, jedel-izdestirý sharalary barysynda qylmystyq toptyń barlyq músheleri kezeń-kezeńimen anyqtalyp, dáleldemeler jinalǵan.
Aldyn ala málimet boiynsha, kúdiktiler Almaty qalasynda jasalǵan ondaǵan múliktik qylmysqa qatysy bolýy múmkin. Qazir sotqa deiingi tergep-tekserý jalǵasyp jatyr. Sondai-aq olardyń osyǵan uqsas ózge de qylmystarǵa qatystylyǵy tekserilýde.
