Foto: Facebook.com
Akter Baqyt Týshaev Dariǵa Badyqovanyń burynǵy kúieýi Darhan Musaevqa jazba arnady, dep habarlaidy Ult.kz.
Aitýynsha, ol Darhanmen sonaý stýdent kezden tanys. Akterden bir jyl keiin, marqum Bolat Atabaevtyń kýrsynda oqyǵan, jataqhanada birge turǵan.
"Jalpy Darhan aq adal dos, aq kóńil azamat retinde jaqsy bilemin. Óte talantty jigit. Tek teatrǵa beretinin áli bere almai júr. Asabalyq óneri de óte myqty. Stýdent kezinen tabysker jigit. Jáne kóshe tobelesinde dosyn tastap ketpeitin, qandai jigitińe bolsa da qasqaiyp qarsy turatyn jigittiń tóresi. Boiy da uzyn iyqty bir sózben aitqanda krasvchik jigittiń sultany der edim", - dep bastady áńgimesin Týshaev.
Akter búginde ákeniń orny, ákeler mártebesi, otaǵasynyń bedeli, erkek baqyty degen uǵym óshkenin tilge tiek etti. Tek bir jaqty áielderge qatysty dúnie árqashan durys bolyp barady, deidi ol.
"Qazir balabaqshada balany tárbieleitin áiel, mektepte balany oqytatyn da áiel. Qanshama jalǵyz basty analar tárbiesimen ósip jatqan bala úshin áke degen uǵym joǵaldy. (Oǵan erkekterdiń de kinási kóp.Tipti keshegi fýtbolist Sherhan men Temirlandy analary tárbielegen soń chempion bolǵan degen qaǵida qoǵamǵa dendep enip barady)", - dep qynjyldy ol.
Aitýynsha, Darhan Musaevtyń basyndaǵy jait tek qana bir otbasynyń taǵdyry emes, búkil qoǵam ainasy.
"M. Áýezov atyndaǵy Ulttyq teatrdaǵy áriptesterim Darhandy jaily jaqsy aitady. Qoǵam Dariǵanyń sózinen negiz alyp Darhandy tabys tappaǵan deidi. Ol qalai tabys tappaidy - aptasyna joq degende bir eki kún toida júrse. Jáne ol qalai úide otyrady - teatrda tańnan keshke deiin qainaǵan tirlik, odan qalsa gastrol, festival degender jan jaqqa shapqylatady. Darhannyń aqshasyz júrgen kezin kórgen emespin. Keibir dastarhandy ózi de tólep tastaityn márttigi bar", - dep qosty Baqyt Týshaev.
Onyń aitýynsha, Darhannyń suhbatqa kelgendegi maqsaty - ol ishindegi dúniesin aqtarǵysy keldi, ashyndy, árkimniń óz shyndyǵy bar.
"Ol da óz shyndyǵy jolynda qurban bolyp otyr. Múmkin bul suhbatqa shyqpasa óz ózine qol jumsaýy da múmkin ǵoi. Japy ekeýi 16-jyl ómir birge turypty. Biraq arlarynda bala bolmasa da birge otbasyn saqtai bilgen Darhan jaily qalai jaman aitýǵa bolady? Osydan 6-7 jyl shamasyndaǵy bir otyrysta Dora (Darhan. Ónerdegiler Dora dep ketkenbiz) bárimiz otbasy, bala taqyrybyn qozǵap otyrdyq. Sonda Darhan "ái, jigitter, bile bilseńder, kúndiz Dariǵa meniń qyzym, men Dariǵanyń ulymyn. Túnde jatarda ǵana erli-zaiypty ekenimiz eske túsedi" dep kúldirip ári oilandyrǵan. Mine, Darhannnyń osy sózi otbasyna beriktigin adal ekendigin naǵyz otaǵasy bolǵanyn kórsetedi. Qazir bes jyl bala kótermese kúeiýi, ata-enesi, qaiyn jurty, bári jabylyp, kelgen kelindi ketirip tynydyrady. Al 16 jyl balalary bolmasa da otbasyn shashyratpai, Dariǵany kinálamai, eshkimge sóiletkizbei, otbasyn saqtap turý úshin qandai tózimdilik, qandai sabyrlylyq kerek deseńshi. Bunyń bári Darhannyń qolynan keldi. Darhannyń otbasy qundylyǵyn joǵary qoiýy kez kelgen erkektiń qolynan kele bermeitin qasiet", - deidi ol.
Baqyt Týshaevtyń pikirinshe, qazir áielderdiń miyn ýlap, koých, motivatorlar keri áser etip jatyr.
"Ata-eneńdi tyńdama, kúieýińniń náskiin jýma, kúieýiń motivatsiia bermese ajyras" degen syndy aqylman danyshpan qatyndardyń da gói-góileri óz jemisin berýde. "Erkek tabys tapsa otbasy úshin, áiel tabys tapsa ózi úshin", "Erkek ne úshin kerek" dep qutyryp shyǵa keletini. Myńdaǵan mysaldar kóp", - deidi akter.
