Elimizde 30 sáýirdegi vaktsinatsiialaýdyń táýliktegi qarqyny 109 myńǵa deiin ósti jáne 1 sáýirdegi málimetpen salystyrǵanda 11 esege ulǵaidy, dep habarlaidy "Ult aqparat" Densaýlyq saqtaý ministrligine silteme jasap.
«Halyqty jappai immýndaý úshin elimizdiń barlyq emhanalary men iri saýda ortalyqtarynda 1400 vaktsinatsiia pýnkti ashyldy, onyń ishinde 300-i kóshpeli. 11 myńnan astam meditsina qyzmetkeri vaktsinatsiia naýqanyn ótkizýge tartyldy. Sáýir aiynyń sońynda 2,3 mln qazaqstandyq úshin vaktsinatsiiaǵa qoljetimdilik qamtamasyz etildi. COVID-19-ǵa qarsy vaktsinanyń birinshi dozasyn erikti negizde 1 293 379 adam jáne 266 457 adam vaktsinanyń ekinshi dozasyn aldy», delingen habarlamada.
Vedomstvonyń málimetinshe, álemdegi reitingige sáikes Qazaqstan 177 eldiń ishinde 30 sáýirdegi jaǵdai boiynsha koronavirýs infektsiiaǵa qarsy vaktsinatsiialanǵandardyń absoliýtti sany boiynsha 51 - orynda tur.
«Vaktsinatsiia qarqyny qazir azamattardyń ózderiniń sanaly kózqarasyna, jaqyndarynyń densaýlyǵy men jalpy immýnitettiń paidasyna olardyń durys tańdaýyna bailanysty ekenin atap ótken jón.
Bul rette, vaktsinatsiia erikti negizde júzege asyrylady jáne el turǵyndarynyń vaktsinanyń úsh túrin (SputnikV, QazVac jáne HayatVax) tańdaý múmkindigi bar», delingen habarlamada.
Ministrliktiń málimdeýinshe, halyq belsendiliginiń osy qarqynyn saqtaý ai saiyn shamamen 2 mln halyqty vaktsinatsiialaýmen qamtýdy qamtamasyz etýge múmkindik beredi.
«Qazaqstanda qoldanylatyn vaktsinalar qaýipsizdik pen tiimdilikke tekserýden ótti, sondyqtan olar koronavirýs infektsiiasyn juqtyrýǵa qarsy dáleldengen qural. Búgingi tańda tek vaktsinatsiia eldegi epidemiologiialyq jaǵdaidy turaqtandyrýǵa múmkindik beretinin esten shyǵarmaý kerek», delingen habarlamada.
Qazirgi ýaqytta búkil álemde koronovirýs infektsiianyń taralýynyń kúrt ósýi baiqalady. Dúniejúzilik densaýlyq saqtaý uiymynyń statistika derekterine sáikes 30 sáýirdegi jaǵdai boiynsha COVID – 19 juqtyrýdyń 151 104 146 jaǵdaiy tirkeldi, onyń ishinde 128 987 465 adam jazyldy, 3 178 208 qaitys boldy, ólim-jitim kórsetkishi 2,1%.
Bir táýlik ishinde 879 586 jaǵdai tirkelgen, koronavirýs infektsiiasymen aýyratyndardyń jalpy sanynyń ósýi – 0,6%.
«Qazaqstanda syrqattanýshylyqtyń ósýin turaqtandyrý úrdisi baiqalady. Sońǵy úsh apta ishinde aýrý ortasha eseppen táýligine 2,6 myń jaǵdai deńgeiinde. Halyqty jappai immýndaý arqyly ujymdyq immýnitetke qol jetkizý – bul shekteý sharalarynyń jalǵyz balamasy jáne álemdegi pandemiiamen kúresýdiń tiimdi ádisi», dedi ministrlikten.
