© Sputnik / Vladislav Vodnev
Qyzylorda oblystyq infektsiialyq aýrýhanasynyń bas býhgalteri biýdjet qarajatyn iri kólemde jymqyrǵany úshin qamaýǵa alyndy, dep habarlaidy qarjylyq monitoring agenttigi.
Tergeý materialdaryna sáikes, esepti meditsinalyq kereýetterdi úsh esege qymbat baǵamen satyp alǵan. Al jalǵan baǵa usynystaryn jubaiy daiyndap bergen.
"Osylaisha, tenderdiń nátijesinde JShS men aýrýhana arasynda jalpy quny 259 mln teńgege 220 meditsinalyq kereýet satyp alýǵa shart jasalǵan. Bir kereýettiń baǵasy 1,2 million teńge dep kórsetilgen. Biraq shyn máninde onyń naqty satyp alý baǵasy 460 myń teńgeden aspaǵan, iaǵni kórsetilgen baǵadan úsh ese arzan bolǵan", - delingen resmi habarlamada.
Tergeý kezinde kúdiktilerdiń 111 mln teńge turatyn múlkine tyiym salyndy. Al memleketke keltirilgen 129 mln teńge kólemindegi zalal tolyq kólemde óteldi.
Bas esepshi 2 ai merzimge qamaýǵa alyndy. Onyń qylmystyq isi sotqa joldandy.
