«Nur Otan» praimerizine qatysýshy, qoǵam belsendisi, jýrnalist Baqtybai Jailaý daýys berý kezinde bir IP-adresten bir ǵana jeke sáikestendirý nomeri (JSN) boiynsha daýys qabyldanýy kerek dep sanaidy.
«Praimeriz – dál qazirgi qoǵamdyq-saiasi ómirimizdegi eń basty jańalyq bolyp otyr. Bir jarym ai buryn partiiaishilik irikteýge qatysatynymdy málimdep, áleýmettik jelide post jazǵan kúnnen bastap, bul naýqan týraly men de qyzyǵýshylyq tanytýshylarǵa aýyzsha, jazbasha túsindirip kele jatyrmyn. AQSh pen Eýropa elderinde bul tájiribe bar bolǵanymen, bizde alǵash ret uiymdastyrylýymen-aq jańalyq retinde qabyldandy. Árine, negizgi maqsaty, talaby durys, qoldaimyn. Biraq ashyq ári ádil ótkizýge qatysty keibir kemshilikterge jol berilgenin kórip, estip, bilip otyrmyz.
Onyń eń birinshi sebebi, osy irikteý úshin arnaiy jasalǵan «Primaries 2020» qosymshasynyń bir sátte myńdaǵan adam kirgenin kótere almai, qatyp qalýy, ashylmaýy. Sondyqtan meniń usynysym – «Nur Otan» partiiasy naǵyz liderlerdi anyqtaǵysy kelse, úsh kún boiy berilgen daýystardy elekten ótkizip, bir IP-adresten bir ǵana JSN boiynsha daýys qabyldanýy kerek.
QR Tuńǵysh Prezidenti – Elbasy, partiia Tóraǵasy Nursultan Ábishuly «Praimeriz barlyq qatysýshylar úshin ádil, ashyq jáne teń jaǵdaida uiymdastyrylýy kerektigin» eskertti. Endeshe, sol tapsyrma buljytpai oryndalýy tiis», - dedi ol.
.jpeg)