Foto: Abai oblysy ákimdiginiń resmi paraqshasynan
Aýyl sharýashylyǵy ministri Aidarbek Saparov astyq jinaý naýqynynyń aiaqtalǵanyn málimdedi, dep habarlaidy «Ult aqparat» «Sputnik Qazaqstanǵa» silteme jasap.
Resmi málimetke sáikes, respýblika boiynsha 26,5 mln tonna astyq bastyryldy. Mysaly, Soltústik Qazaqstan oblysynyń Jambyl aýdanyndaǵy “Aq-Jer 210” sharýa qojalyǵy bir gektardan 42,5 tsentner jinady. Qostanai oblysynda “Sarykol Agro” sharýa qojalyǵy - 40 tsentner, al Aqmola oblysynyń Sandyqtaý aýdanyndaǵy “Svobodnoe” sharýa qojalyǵy bir gektardan 35 tsentner ónim aldy.
Jalpy respýblika boiynsha ortasha eseppen bir gektardan 16 tsentner jinalyp otyr. Byltyr bul kórsetkish 10,3 tsentner bolǵan.
“Joǵary ónimdilikke qolaily aýa raiy jaǵdailary men agrotehnologiialardy durys qoldaný, iaǵni sapaly tuqymdardy paidalaný, mineraldy tyńaitqyshtardy engizý jáne ósimdikterdi tiimdi qorǵaý arqyly qol jetkizildi”, - dedi Saparov úkimettiń búgingi otyrysynda.
Onyń aitýynsha, negizgi astyq egetin óńirler - Soltústik Qazaqstan, Aqmola men Qostanai oblystarynan ońtústik óńirlerde, atap aitqanda, Qyzylorda, Túrkistan jáne Jetisý oblystarynda joǵary ónimdilik tirkelip otyr.
