Semei qalasynyń turǵyndarymen kezdesýde Oqý aǵartý ministri Ashat Aimaǵambetov oǵan aldyn ala daiyndalǵan suraqtardy qoimaýdy ótindi, - dep habarlaidy Tengrinews.kz portaly Arnapress.kz saityna silteme jasap.
Jiynǵa qatysýshylardyń biri ministrden mektepte qandai úiirmege qatysqanyn surady. Al, Aimaǵambetov oǵan aldyn ala daiyndalǵan suraqtardy qoimaýǵa shaqyrdy.
"Mundai suraqtar qoiylmaýy kerek. Biz Jańa Qazaqstan týraly aityp, ádil Qazaqstandy qurýǵa tyrysyp jatyrmyz. Bul eń aldymen bilim berý sektorynan bastalady. Sondyqtan bir-birimizge daiyn suraqtar qoiý uiat. Problemalyq suraqtar bar ǵoi, nege solardy qoimaisyzdar? Mekteptegi materialdyq-tehnikalyq bazaǵa qatysty, oqýlyqtar men oqý baǵdarlamalaryna, attestatsiiaǵa qatysty máseleler bar. Bizge solardy qoiyńyzdar, bizdiń saparymyzdyń basty maqsaty – kelý, ashyq sóilesý. Kez kelgen suraqqa jaýap berýge daiynmyn", - dedi ministr.
