Qazaqstanda azyq-túlik baǵasy bir aida 0,8% qymbattady. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2021 jylǵy mamyrda onyń aldyńǵy sáýir aiyna qaraǵanda baǵa azyq-túlik taýarlaryna – 0,8%, azyq-túlik emes taýarlaryna – 0,6%, aqyly qyzmetterge 0,7% joǵarylady.
Baǵanyń ósýi qyzylshaǵa – 27,7%, sábizge – 16,1%, kartopqa – 11,1%, kúnbaǵys maiyna – 3,3%, qoi etine – 3,2%, qyryqqabatqa – 3%, qumshekerge, jańa jinalǵan jemisterge – 1,7%-dan, jarmalarǵa, makaron ónimderine, qus etine – 1,3%-dan, shaiǵa – 1,2%, et ónimderine – 1,1%, unǵa, sary maiǵa – 1%-dan, sútke 0,8% tirkeldi. Sondai-aq mineraldy jáne as sý – 2%, salqyndatylǵan sýsyndar – 1,7%, alkogoldi sýsyndar 0,9% qymbattady.
Mamyr aiynda arzandady: qiiar – 23,4%, qyzanaq – 17,2%, jumyrtqa 2,8%, apelsin 2,8%.
Baǵa ósti: avtomobilderge – 2%, shyny jáne qysh buiymdarǵa – 1%, ydys-aiaqqa – 0,9%, jýǵysh jáne tazalaǵysh quraldarǵa – 0,8%, kiim jáne aiaq kiimge – 0,7%, qurylys materialdaryna – 0,6%, jeke qoldanylatyn taýarlarǵa 0,4%.
Budan bólek, benzin quny – 1,8%, ballondaǵy súiytylǵan gaz – 1,2%, dizel otyny 0,9% kóterildi.
Monsha qyzmeti – 2%, sanatorii qyzmeti – 1,9%, kabeldik televiziia qyzmeti – 1%, shashtarazdar men sulýlyq salondar qyzmeti, qonaqúiler qyzmeti – 0,9%, qoǵamdyq tamaqtaný qyzmeti – 0,6%, jolaýshylardyń áýe kóligimen jol júrý aqysy – 8,7%, qalalyq avtobýspen qatynaý 1,4% qymbattady.
Turǵyn úi-kommýnaldyq qyzmetter salasynda tarifter qoqys shyǵarýǵa – 5,7%, elektr energiiasyna 1,7% joǵarylady, al ystyq sýǵa 1% tómendedi.
