بٸر ايدا نە قىمباتتادى?

قازاقستاندا ازىق-تٷلٸك باعاسى بٸر ايدا 0,8% قىمباتتادى. بۇل تۋرالى قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنان مەلٸم ەتتٸ, دەپ حابارلايدى "ۇلت اقپارات".

2021 جىلعى مامىردا ونىڭ الدىڭعى سەۋٸر ايىنا قاراعاندا باعا ازىق-تٷلٸك تاۋارلارىنا – 0,8%, ازىق-تٷلٸك ەمەس تاۋارلارىنا – 0,6%, اقىلى قىزمەتتەرگە 0,7% جوعارىلادى.

باعانىڭ ٶسۋٸ قىزىلشاعا – 27,7%, سەبٸزگە – 16,1%, كارتوپقا – 11,1%, كٷنباعىس مايىنا – 3,3%, قوي ەتٸنە – 3,2%, قىرىققاباتقا – 3%, قۇمشەكەرگە, جاڭا جينالعان جەمٸستەرگە – 1,7%-دان, جارمالارعا, ماكارون ٶنٸمدەرٸنە, قۇس ەتٸنە – 1,3%-دان, شايعا – 1,2%, ەت ٶنٸمدەرٸنە – 1,1%, ۇنعا, سارى مايعا – 1%-دان, سٷتكە 0,8% تٸركەلدٸ. سونداي-اق مينەرالدى جەنە اس سۋ – 2%, سالقىنداتىلعان سۋسىندار – 1,7%, الكوگولدٸ سۋسىندار 0,9% قىمباتتادى. 

مامىر ايىندا ارزاندادى: قييار – 23,4%, قىزاناق – 17,2%, جۇمىرتقا 2,8%, اپەلسين 2,8%.

باعا ٶستٸ: اۆتوموبيلدەرگە – 2%, شىنى جەنە قىش بۇيىمدارعا – 1%, ىدىس-اياققا – 0,9%, جۋعىش جەنە تازالاعىش قۇرالدارعا – 0,8%, كيٸم جەنە اياق كيٸمگە – 0,7%, قۇرىلىس ماتەريالدارىنا – 0,6%, جەكە قولدانىلاتىن تاۋارلارعا 0,4%. 

بۇدان بٶلەك, بەنزين قۇنى – 1,8%, باللونداعى سٷيىتىلعان گاز – 1,2%, ديزەل وتىنى 0,9% كٶتەرٸلدٸ.

مونشا قىزمەتٸ – 2%, ساناتوريي قىزمەتٸ – 1,9%, كابەلدٸك تەلەۆيزييا قىزمەتٸ – 1%, شاشتارازدار مەن سۇلۋلىق سالوندار قىزمەتٸ, قوناقٷيلەر قىزمەتٸ – 0,9%, قوعامدىق تاماقتانۋ قىزمەتٸ – 0,6%, جولاۋشىلاردىڭ ەۋە كٶلٸگٸمەن جول جٷرۋ اقىسى – 8,7%, قالالىق اۆتوبۋسپەن قاتىناۋ 1,4% قىمباتتادى.

تۇرعىن ٷي-كوممۋنالدىق قىزمەتتەر سالاسىندا تاريفتەر قوقىس شىعارۋعا – 5,7%, ەلەكتر ەنەرگيياسىنا 1,7% جوعارىلادى, ال ىستىق سۋعا 1% تٶمەندەدٸ.