Foto: uza.uz
Ótken aida em alý maqsatynda Ózbekstanǵa 7 myńnan astam sheteldik kelgen, dep habarlaidy "Ult aqparat" Kazinform agenttigine silteme jasap.
Ózbekstannyń Statistika agenttiginen málim etkendei, meditsinalyq qyzmetter alý úshin atalǵan memleketke eń kóp kelgender – Tájikstan azamattary (4,8 myń adam).
Odan keiin qazaqstandyqtardyń úlesi basym. Biyl qańtarda dertine daýa izdegen 1 080 Qazaqstan azamaty Ózbekstanǵa barǵan.
Kelesi oryndarda Qyrǵyzstan (959 adam), Resei (120 adam) jáne Túrikmenstan (66 adam) tur.
Aita keteiik, byltyr Ózbekstanǵa jalpy sany 6,6 mln sheteldik kelse, sonyń 61 myńnan astamy osynda emdelýdi josparlaǵandar.
Odan bólek, 2023 jyly 1,2 mln qazaqstandyq Ózbekstanǵa týysqandarymen kórisý úshin barǵan.
