Ótken aptada Shyǵys Qazaqstan jáne Jambyl oblystarynyń politseileri «Kóknár» operatsiiasy barysynda ońtústik óńirden elimizdiń shyǵysyna marihýana jáne gashish jetkizý arnasynyń jolyn kesti. Bul jóninde Ishki ister ministrliginiń baspasóz qyzmeti habarlady.
Uzaq daiyndyq jáne birlesken jumys nátijesinde buryn sotty bolmaǵan Jambyl oblysynyń turǵyny ustaldy. Ol esirtki ótkizý úshin basqa óńirlerge marihýana tasymaldaǵan. Marihýanany Jambyl oblysy Túimekent aýylynda týysqanynyń úiinde saqtaǵan jáne sol jerde ustalǵan.
«Sanktsiialanǵan tintý barysynda kúdiktiden eki uialy telefon jáne marihýana ótkizýden tapqan 28,5 myń teńge aqsha alyndy. Túimekent aýylynda kinologtyń qatysýymen jáne qyzmettik it arqyly úidi tintý kezinde sharýashylyq úi-jaida salmaǵy 30 kg asa marihýana jáne 2,4 kg gashish tabyldy. Osy oblystyń aýmaǵynda taǵy bir uqsas derek anyqtaldy. «Tátti-Sary-Qoby» tasjolynyń mańynan 49 jastaǵy Merke aýdanynyń týmasy ustaldy, politsiia qyzmetkerleri odan 12 kg astam marihýana salynǵan bir qap aldy. Sondai-aq, Pavlodar oblysynda jergilikti turǵynnyń úiiniń kireberisin tintigende salmaǵy 71 gr geroini bar 2 orama tabyldy» delingen habarlamada.
Dástúrli esirtki túrlerimen qatar, psihotropty zattardy taratý faktileri de bar. Osylaisha, Óskemen qalasynda esirtki ótkizý faktisi boiynsha jergilikti turǵyn ustaldy. Onyń jasyryn ornynan jalpy salmaǵy 8,3 gr psihotroptyq zaty bar 20 polimer býmasy tabylyp, alyndy.
Jalpy apta ishinde elimizde IIM esirtki qylmysyna qarsy is-qimyl qyzmeti esirtkiniń zańsyz ainalymyna qatysty 33 qylmysty anyqtap, tirkedi.
Politsiia qyzmetkerleri zańsyz ainalymnan 54 kg esirtki tárkiledi, onyń ishinde 52 kg marihýana jáne 106,6 gr geroin, 2,4 kg gashish jáne 16,3 gr sintetikalyq esirtki bar.
Aita ketý kerek, esirtkimen kúreske azamattar da kómektese alady. Máselen, Esirtki qylmysyna qarsy is-qimyl departamentiniń WhatsApp (+77777856651) «qaýyrt jelisine» bir aidyń ishinde esirtkiniń zańsyz ainalymy týraly 298 habarlama kelip túsken.
