Búgin Shymkent qalalyq ákimdiginiń sheneýnikterine qyzmettik kólikteri qaitaryldy. Bir ai buryn qalanyń eks-ákimi Ǵabidolla Ábdirahymovtyń bastamasymen qyzmettik kólikter turaqqa qoiylyp, memqyzmetshilerge qoǵamdyq jáne jeke kólikterimen qatynaý mindettelgen bolatyn, dep habarlaidy "Ult aqparat".
Kóligine qaita mingenderdiń qatarynda qala ákiminiń orynbasarlary men bólim basshylary, aýdan ákimderi men olardyń orynbasarlary bar. Búgin shań basqan kólikter qaita paidalanýǵa berildi.
Ákimdiktegilerdiń aitýynsha, bul shara shahardaǵy qoǵamdyq kólikterdiń jumysyn retke keltirýge birshama septigin tigizgen. Atap aitqanda, qala boiynsha qatynaityń avtobýstardyń baǵyttary azdyǵy anyqtalyp, áleýmettik jáne jeke kompaniialarǵa jańadan 12 baǵyt ashý usynyldy. Sondai-aq ákimdiktiń resmi saitynda kólik kompaniialarynyń reitingi paida boldy, onda kez kelgen turǵyn jolaýshy tasymaldaityn kompaniianyń jumysyn baǵalai aldy. Azamattardyń aryz-shaǵymy men reiting qortyndy boiynsha kelisimshart talaptaryn saqtamaǵan 5 kompaniiamen kelisim úzildi.
«Keibir baǵyttarda kólik kestesin kóbeitý usynyldy. Mysaly, №4 baǵyt boiynsha - 4 keste, №40 baǵytqa - 2 keste, №145 baǵytqa 3 keste qosylady. №101 jáne 89 baǵyttardaǵy kólik kestesi qaita jasaldy. Jolaýshylarǵa qolaily bolý úshin mobildik qosymsha jasaldy. Ol turǵyndarǵa qai baǵyttaǵy avtobýstyń qandai da bir aialdamaǵa qai ýaqytta keletinin anyqtaýǵa múmkindik beredi. Qazir ol qosymsha synaqtan ótkizilýde. Jolaýshylarǵa elektrondy bilet berý júiesin ornatý boiynsha «SMART-JKH» JShS-men memorandým túzildi. Mýnitsipaldy avtopark qurý boiynsha jumys atqarylýda. Taiaý kúnderi qalaǵa jańa 100 avtobýs keledi dep kútilýde. Avtobýs aialdamalarynda kólik qozǵalysynyń kestesi bar aqparattyq taqtaishalar ornatyla bastady. Endi turǵyndar ózine qolaily baǵyt tańdaý úshin osy kestege qarasa bolǵany. Negizgi qorytyndy 11 jeltoqsanda ótetin jinalysta aitylady», - deidi Shymkent qalalyq ákimdigi baspasóz qyzmetiniń jetekshisi Aigerim Jumaǵulova.
Eske salaiyq, eks-ákim Ǵabidolla Ábdirahymov qarapaiym halyqtyń jaǵdaiymen jaqynyraq tanysý úshin ákimdik qyzmetkerleriniń qyzmettik kólikterin turaqqa qoiǵyzǵan bolatyn. Olar bir ai boiy turǵyndarmen birge jumysqa qoǵamdyq kólikpen qatynaǵan edi. Sheneýnikter avtobýstarmen qatynap qana qoimai, qoǵamdyq kólikterdiń lyq tolýy, jolaýshylarǵa kórsetiletin qyzmet dárejesi sekildi tustarda kezdesken kemshilikterdi tirkep otyrdy.
