Atyraý oblysynda karantin talabyn buzǵan kásipkerler men úilený toilaryn jasaǵan turǵyndar anyqtaldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetine súiensek, 5 shildeden beri karantindik shekteý talabyn buzǵan 1596 derek tirkelgen.
«Atyraý qalasy men jeti aýdanda ótkizilgen reidter kezinde azyq-túlik dúkenderi, dámhanalar, kólik jýý jáne jóndeý ortalyǵy, tegershik jóndeý sheberhanalary, qyzmetine ýaqytsha tyiym salynǵan, shektelgen nysandar tekserildi. Moblildi toptar 900-den astam zań buzýshylyqty anyqtady. Máselen, 1-12 tamyz aralyǵynda karantin rejimin buzǵan 359 fakti tirkelip otyr. Onyń ishinde sanitarlyq talaptardy saqtamaǵan 21 derek, sondai-aq, shekteýlerge qaramastan jumys istegen 43 dúken men 2 saýna, 2 kólik jýý ortalyǵy bar.
Sondai-aq, otbasylyq is-sharalar ótkizýdiń 8 deregi anyqtaldy. Qyzylqoǵa aýdanyndaǵy Saǵyz aýylynyń 2 turǵyny árqaisysy 40-50-den astam adam shaqyryp, úilený toiyn ótkizgen», - dedi oblystyq Politsiia departamentiniń bastyǵy Qamza Úmbetqaliev.
Qazir anyqtalǵan barlyq derekke qatysty jinaqtalǵan is-qujattar ákimshilik jaýapkershilikke tartý úshin Atyraý qalalyq Taýarlar men qyzmetterdiń sapasy men qaýipsizdigin baqylaý basqarmasyna joldandy.
