Túrkistan oblysynda jantúrshigerlik jol apatynan bir otbasynyń bes balasy qaza tapty, dep habarlaidy ult.kz.
Aldyn ala málimet boiynsha, olar mektep bitirý keshinen qaityp kele jatqan.
Qaiǵyly oqiǵa qoǵamda úlken rezonans týdyrdy. Qazirgi ýaqytta apattyń mán-jaiyn quqyq qorǵaý organdary anyqtap jatyr. Tergeý amaldary júrgizilýde.
Otbasynyń aýyldasy jap-jas qyzdardyń ketkenine qaiǵyra kóńil aitty.
“Jylap otyr. Meniń nemeremmen qatar eken. Sol rólde otyrǵan deidi”, - dedi kórshisi.
Jol apaty Túlkibas aýdanyndaǵy Eńbekshi aýylynda bolǵan. Taǵy bir bala aýyr jaraqat alyp, aýrýhanaǵa jetkizildi.
Aldyn ala málimet boiynsha, Volkswagen Polo avtokóligi joldan shyǵyp ketip, aǵashqa soǵylǵan. Soqqynyń qatty bolǵany sonshalyq, jeńil kólik ekige bólinip qalǵan.
Dárigerler aýyr jaraqat alǵan balanyń ómirin aman alyp qaldy. Alaida onyń jaǵdaiy áli de aýyr dep baǵalanýda.
Politsiianyń málimetinshe, júrgizýshi kólik tizginine ie bola almai qalǵan. Jol-kólik oqiǵasy deregi boiynsha qylmystyq is qozǵaldy.
