Ishki ister ministrliginiń brifinginde sońǵy aptada elimizde jii tirkelgen qylmystar ataldy, dep habarlaidy "Ult aqparat".
«Bir apta ishinde 3055 qylmys jasaldy, onyń 1978-i táýlik ishinde ashyldy. Politsiia qyzmetkerleri «izin sýytpai» kisi óltirýdiń - 8, ólimge ákep soqqan densaýlyqqa qasaqana aýyr ziian keltirýdiń -3, qaraqshylyqtyń - 3, tonaýdyń - 20 jáne bóten múlikti urlaýdyń - 488 faktisin ashty», - dedi QR Ishki ister ministrliginiń resmi ókili Nurdildá Oraz.
Sonymen birge ótken aptada Ishki ister ministri Erlan Turǵymbaev Prezident qabyldaýynda ishki ister organdarynyń birinshi toqsandaǵy jumysyn qorytyndylady. Eldegi qylmys deńgeii 13% tómendegen. Bul rette tonaý, urlyq jáne buzaqylyq sany 37% azaiǵan.
