Elimizde bir apta ishinde 2 959 qylmys jasaldy, onyń 1930-y táýlik ishinde ashyldy. Bul týraly QR Ishki ister ministrliginiń aptalyq onlain brifinginde aityldy, dep habarlaidy QazAqparat.
«Aldymen eldegi kriminogendik jaǵdaiǵa toqtalaiyq. Bir apta ishinde 2 959 qylmys jasaldy, onyń 1930-i táýlik ishinde ashyldy. Politsiia qyzmetkerleri «izin sýytpai» 9 kisi óltirýdi, 2 ólimge ákep soqqan densaýlyqqa qasaqana aýyr ziian keltirýdi, 39 tonaý jáne 503 bóten múlikti urlaý qylmystaryn ashty», - dedi QR IIM resmi ókili Nurdildá Oraz ministrliktiń aptalyq brifingtinde.
Buǵan deiin resmi ókil ShQO-daǵy alapat órt jóninde QR Qylmystyq kodeksiniń 204-baby 2-bóligi boiynsha sotqa deiingi tergeý bastalǵanyn habarlady. Ondaǵy qutqarý jumystaryna 300-den astam politsiia qyzmetkeri men 40-qa jýyq arnaiy tehnika jumyldyrylǵan.
