Bir apta ishinde elimizdiń aýmaǵynda 3 004 qylmys jasaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Bir apta ishinde 3 004 qylmys jasaldy, onyń 2 046 táýlik ishinde ashyldy. Politsiia qyzmetkerleri «izin sýytpai» 18 kisi óltirýdi, 6 ólimge ákep soqqan densaýlyqqa qasaqana aýyr ziian keltirýdi, 3 qaraqshylyq, 27 tonaý jáne 449 bóten múlikti urlaý qylmystaryn ashty»,- dedi resmi ókil IIM baspasóz alańynda ótken brifing barysynda.
Sonymen qatar ol Memleket basshysy Qasym-Jomart Toqaev bastamashy bolǵan «Halyq únine qulaq asatyn memleket» tujyrymdamasy is júzinde azamattar men memleket arasyndaǵy dialog, ózara is-qimyl jáne yntymaqtastyqqa jańa negiz qalatyndyǵyn aitty.
«Onyń basty ideiasy - azamattardyń máselelerin estý jáne kórý ǵana emes, olarǵa durys jáne obektivti jaýap berý, adamdarmen ashyq dialog júrgize bilý. Búgingi tańda biz tyńdaýshy memlekettiń tujyrymdamasyn is júzinde kórip otyrmyz. Qazaqstandyq politsiia halyq tarapynan túsken saýaldarǵa barynsha jedel jaýap qaitarýǵa, shynaiy sheshimder men jaýaptar uiymdastyrýǵa tyrysady», - dedi Nurdildi Oraz.
