QR aýyl sharýashylyǵy ministriniń buiryǵymen Gúljahan Amangeldiqyzy Bimendina basqa jumysqa aýysýyna bailanysty QR Aýyl sharýashylyǵy ministrligi jer resýrstaryn basqarý komitetiniń tóraiymy qyzmetinen bosatyldy. Bul týraly QR Premer-Ministriniń baspasóz qyzmeti habarlady.
Gúljahan Bimendina 1969 jyly Ońtústik Qazaqstan oblysynda dúniege kelgen.
Máskeý qalasyndaǵy Memlekettik jerge ornalastyrý ýniversitetin bitirgen.
Eńbek jolyn 1996 jyly Soltústik Qazaqstan oblysynyń jer qatynastary jáne jerge ornalastyrý komitetiniń qurylymynda bastaǵan.
Bas maman, jerge ornalastyrý injeneri, aýdandyq komitet tóraiymy, bólim basshysy, oblystyq komitet tóraǵasynyń orynbasary, basqarma basshysy, inspektsiia basshysynyń orynbasary, inspektsiia basshysy laýazymdaryn atqarǵan.
2012 jyly QR Jer resýrstaryn basqarý agenttiginiń jaýapty hatshysy laýazymyna taǵaiyndaldy. 2013-2014 jyldary — óńirlik damý ministrliginiń jer qatynastary jáne geodeziia salasyn retteý departamentiniń direktory.
2014-2016 jyldary QR Ulttyq ekonomika ministrliginiń Ekonomika infraqurylymyn damytý departamenti direktorynyń orynbasary bolyp jumys istegen.
2016 jyldan bastap 2019 jyldyń qyrkúiegine deiin QR Aýyl sharýashylyǵy ministrliginiń jer resýrstaryn basqarý komiteti tóraǵasynyń orynbasary qyzmetin atqardy.
2019 jylǵy qyrkúiekten bastap qazirgi ýaqytqa deiin QR Aýyl sharýashylyǵy ministrligi jer resýrstaryn basqarý komitetiniń tóraiymy bolyp jumys istedi.
