Búgin QR Bilim jáne ǵylym vitse-ministri Bibigúl Asylova óz jalaqysynyń kólemin jariia etti, dep habarlaidy Baq.kz tilshisi.
«Bizge eshqandai qosymsha aqy berilmeidi. Men qolyma shamamen 600 myń teńge jalaqy alamyn. Eńbekaqyny saiasi memlekettik qyzmetker retinde alamyn. Memlekettik qyzmetkerlerdiń jalaqysy olardyń memlekettik qyzmettegi tájiribesi men bilim deńgeiine bailanysty», - dedi Asylova Bilim jáne ǵylym ministrliginiń keńeitilgen alqa otyrysyna deiin bergen suhbatynda.
Bibigúl Asylova 2016 jylǵy maýsymnan bastap Bilim jáne ǵylym vitse-ministri qyzmetin atqarady. Túrli laýazymdy qyzmetti atqarǵan Asylova QR BǴM vitse-ministri qyzmetine deiin QR Qarjy ministrliginiń Áleýmettik sala biýdjeti departamentiniń direktory bolǵan.
